IMECE atty alǵashqy túrik baqylaý spýtnıgi orbıtaǵa 11 sáýirde ushyrylady.
Bul týraly 9 sáýir, jeksenbide, Túrkıa Prezıdenti Rejep Taıyp Erdoǵan óziniń Twitter akkaýntynda jazdy, dep habarlaıdy Almaty-akshamy.kz Astanatv.kz-ke silteme jasap.
«Túrkıa bilikti kadrlar, múmkindikter men ózi jasaǵan tehnologıasyn jahandyq ǵarysh báıgesine qosýyn jalǵastyrady», - dep jazdy Memleket basshysy.
IMECE spýtnıgin Túrkıanyń ǵaryshtyq tehnologıalar ǵylymı-zertteý ınstıtýtynyń (TÜBITAK UZAY) ınjenerleri jasaǵan.
Seısenbi, 11 sáýirde, spýtnıktiń ushyrylýyna baılanysty ınstıtýt aýmaǵynda saltanatty rásim ótedi, onda jınalǵandarǵa Túrkıa Prezıdenti beıneúndeý joldaıdy.
Jıynǵa Túrkıanyń Ulttyq qorǵanys mınıstri Hýlýsı Akar men Túrkıanyń ónerkásip jáne tehnologıalar mınıstri Mustafa Varank qatysady.
Túrkıanyń sheteldik spýtnıktik tehnologıalarǵa táýeldiligin tómendetetin IMECE spýtnıgin Space X túrik ýaqytymen tańǵy 09.50-de ushyrady.
Dál sol zymyran túrik ǵarysh kompanıalary jasaǵan AKUP, KILIÇSAT jáne CONNECTA T2.1 spýtnıkterin ǵaryshqa alyp ushady.
IMECE spýtnıgi 21 aqpanda AQSH-tyń Vandenberg áýe bazasyna jetkizilgen. Kahramanmarash provınsıasyndaǵy jer silkinisinen keıin elde qalyptasqan jaǵdaıǵa baılanysty tıisti rásim jasalǵan joq.
IMECE jerserigi 2017 jyly jasala bastady. Ol 680 shaqyrym bıikte jumys isteıdi.
Spýtnık planetanyń barlyq buryshynan sýretke túsire alady, tabıǵı apat týraly málimet beredi, kartografıada jáne aýyl sharýashylyǵynda keńinen qoldanylady.
Azamattyq maqsatta da, qaýipsizdikti qamtamasyz etý maqsatynda da paıdalanýǵa bolatyn spýtnıktiń eseptik qyzmet etý merzimi - bes jyl.
Qurylǵynyń salmaǵy - shamamen 700 kg, kólemi - 2x3, 1 metr.
Birinshi retten-aq uzyndyǵy 1000 km jáne eni 16,73 km aýmaqty sýretke túsire alady jáne sýretterdi sekýndyna 320 megabaıt jyldamdyqpen jerústi stansıasyna júkteýge shamasy jetedi.