Almatyda ázirshe baǵanyń arzandaýy baıqalmaıdy.
Sarapshylar Qazaqstannyń keıbir qalalarynda páterlerdi jalǵa berý baǵasy tómendeı bastaǵanyn aıtty, dep habarlady Almaty-akshamy.kz Baq.kz silteme jasap.
«Reseıde mobılızasıalaý jarıalanǵannan keıin elimizde alǵashqy aptalarda sharyqtaǵan páterdi jalǵa berý baǵasy tómendeı bastady», - dep atap ótti saıt sarapshylary.
5-12 qazan aralyǵynda elimizdiń jeti qalasynda jalǵa beriletin baspana baǵasy orta eseppen 10%-ǵa arzandady. Jaldaý aqysynyń tómendeýi Petropavl, Aqtóbe, Pavlodar, Oral, Astana, Qostanaı, Atyraý qalalarynda baıqalady.
Bul rette Almaty, Aqtaý, Qaraǵandy, Óskemen, Shymkent qalalarynda jaldaý baǵasy qymbattady. Sonymen qatar, Túrkistan, Taraz, Kókshetaý qalalarynda jaldaý aqysy da, suranys ta ózgermegen.
Jaldaý aqysynyń ósý shyńy Almaty qalasynda – 30 qyrkúıek pen 7 qazan aralyǵynda, Astanada – 5 qazannan, Oralda – 2 qazannan bastap tómendegen.
«Almatyda ázirshe baǵanyń arzandaýy baıqalmaıdy. Bul ishinara naryq qurylymynyń ózgerýine jáne arzan páterlerdiń tapshylyǵyna baılanysty», - delingen habarlamada.