Elimizde sońǵy 5 jylda bala týýdyń turaqty ósýi baıqalady, jalpy alǵanda 7,2%-ǵa, týǵan balalar sany 15%-ǵa artty.
Bul týraly Densaýlyq saqtaý mınıstrligi málim etti, dep habarlaıdy Almaty-akshamy.kz Elorda.info-ǵa silteme jasap.
Ótken jyly 450 652 bala dúnıege keldi, bul 2020 jylmen salystyrǵanda 23 349-ǵa kóp.
Byltyr KVI aýrýynyń ósýine baılanysty COVID-19-ben syrqat júkti áıelder men bala týý jasyndaǵy áıelderdiń sany 2020 jylmen salystyrǵanda 2,5 ese ósti. Eger 2020 jyly olardyń sany 10,2 myńǵa jýyq bolsa, 2021 jyly 26 050-ge jetti.
Reanımasıa bólimshelerinde koronavırýstyq ınfeksıa aýyr ótip jatqan júkti áıelderdiń sany 2,4 ese kóp, al, ókpeniń jalpy zaqymdanýy bar 61 pasıent ekstrakorporaldy membranalyq oksıgenasıa (EKMO) apparatyna qosylǵan, bul 2020 jylmen salystyrǵanda 4,5 ese kóp boldy.
Ekstrakorporaldy membranalyq oksıgenasıa qondyrǵysy reanımasıadaǵy pasıenttiń ókpesi men júreginiń qyzmetin qoldaýǵa múmkindik beredi.