Bıyl 5 mln ga paıdalanylmaıtyn aýyl sharýashylyǵy jerleri qaıtarylady.
Qazaqstan Úkimeti paıdalanylmaıtyn aýyl sharýashylyǵy jerlerin jappaı qaıtarý jumysyn jalǵastyryp jatyr, dep habarlaıdy Almaty-akshamy.kz.
«QR Aýyl sharýashylyǵy mınıstrliginiń kúshimen 2022 jyldyń 6 aıynda 904 myń ga paıdalanylmaǵan nemese zańnamany buza otyryp berilgen jer memleket paıdasyna qaıtaryldy (2021 jyly 430 myń ga qaıtaryldy). Bıylǵy jyldyń sońyna deıin taǵy 5 mln ga paıdalanylmaıtyn aýyl sharýashylyǵy jerlerin qaıtarýdy qamtamasyz etý josparlanyp otyr»,- delingen ASHM baspasóz qyzmetiniń habarlamasynda.
Memleket basshysynyń tapsyrmasy boıynsha paıdalanylmaǵan jáne zańnamany buza otyryp berilgen jerlerdi qaıtarý jónindegi jumys komısıasy quryldy. Qazirgi ýaqytta birneshe baǵyt boıynsha jumystar qatar júrgizilip jatyr: barlyq oblystarda quqyq qorǵaý jáne memlekettik organdardy tarta otyryp vedomstvoaralyq toptar quryldy; 7,45 mln ga alańda 2 584 sýbektige qatysty "jappaı qaýip" sheńberinde Jer resýrstaryn basqarý komıtetiniń aýmaqtyq bólimsheleriniń tekserýler júrgizýin kózdeıtin Aýyl sharýashylyǵy mınıstriniń buıryǵy qabyldandy. 1 mln 517 myń ga alańda jer paıdalanýshylarǵa qatysty 601 jospardan tys tekserý júrgizildi, 680,9 myń ga jerge qatysty taǵy 57 materıal QR Bas prokýratýrasynyń Quqyqtyq statısıka jáne arnaıy esepke alý jónindegi komıtetiniń basqarmalarynda tirkeý satysynda tur. 2021 jyly 210 myń ga alańda jer paıdalanýshylarǵa qatysty 177 jospardan tys tekserý tirkeldi.
Memleket paıdasyna qaıtarylǵan jerlerdi odan ári agrarlyq sektor ókilderine tikeleı paıdalanýǵa berý úshin jergilikti atqarýshy organdar (ákimdikter arqyly) bóledi.