Qalada pyshaqpen qarýlanǵan jastar toby ótip bara jatqan adamdardy tonaǵan.
Medeý aýdanynyń polısıa qyzmetkerleri serıalyq tonaý deregin anyqtady, dep habarlaıdy Almaty-akshamy.kz Polisia.kz-ke silteme jasap.
"QR QİJK-niń 128-babyna sáıkes, QR QK-niń 192-baby 2-bóliginiń 1,4-tarmaǵynda kózdelgen tonaý, ıaǵnı urlyq maqsatynda bótenniń múlkine kúsh qoldaný arqyly adamdar tobynyń sóz baılasýy boıynsha qarý qoldanýmen jasalǵan urlyq, qylmystyq quqyqbuzýshylyqty jasady degen kúdik boıynsha 17 jastaǵy D., J., N. jáne 19 jastaǵy B. esimdi azamattar ustaldy. Olar zańsyz baıý maqsatynda pyshaqpen qorqytyp, ótip bara jatqan adamdardy uryp-soǵyp, uıaly telefondary men basqa da múlikterin tartyp alǵan. Bir qyzyǵy, bul “kvartet” saıabaqtar men halyq kóp jınalatyn jerlerde júrgen. Olar qorǵansyz azamattarǵa túngi ýaqytta ǵana shabýyl jasaǵan. Atalǵan adamdar ustalyp, qaraqshylyq shabýyl jasaǵandaryn moıyndady", – dedi Medeý aýdandyq polısıa basqarmasynyń bastyǵy Dáýren Ótebaev.
Qazirgi ýaqytta ustalǵandardyń jalpy Almaty qalasy boıynsha osyǵan uqsas, buryn jasalǵan qylmystarǵa qatysy bar-joǵy tekserilýde. Al atalǵan kúdiktilerdiń qylmystyq áreketterinen zardap shekken azamattardy tártip saqshylary Medeý aýdandyq PB-ǵa kelesi telefon nómirleri arqyly habarlasýdy suraıdy: 8 (727) 254-48-02; 8-702-476-66-60.