Budan buryn qazaqstandyq fermerlerdiń Memleket basshysyna ashyq hat joldaǵanyn habarlaǵanbyz.
Bul baǵdarlamaǵa shamamen 40 mıllıard teńge bólý josparlanyp otyr, dep habarlaıdy Almaty-akshamy.kz Aýyl sharýashylyǵy mınıstrliginiń baspasóz qyzmetine silteme jasap.
Aýyl sharýashylyǵy tehnıkasyn jeńildikpen jalǵa alý tetigin qysqa merzimde qabyldaý josparlanyp otyr.
Vedomstvoda «ÓKM operatorynyń» qarajaty esebinen otandyq aýyl sharýashylyǵy tehnıkasyn satyp alýǵa jeńildetilgen nesıe mehanızmin engizýge qatysty keńes ótti.
Otyrys qorytyndysy boıynsha, taraptar «Jasyl Damý» AQ qarajaty esebinen tehnıkany jeńildikpen jalǵa berý tetiginiń negizgi tásilderin talqylap, kelisti.
Aýyl sharýashylyǵy tehnıkasyn jeńildikti lızıńke alý tetigin bıyl jappaı egin jınaý jumystary bastalǵanǵa deıin, qysqa merzimde qabyldaý josparlanyp otyr. Baǵdarlama shaǵyn jáne orta aýyl sharýashylyǵy qurylymdarynyń tehnıka satyp alýyn yntalandyrýǵa baǵyttalady.
Bul baǵdarlamaǵa shamamen 40 mıllıard teńge bólý josparlanyp otyr. Qarjylandyrýdy «Báıterek» UBH» AQ enshiles uıymdary júzege asyrady.
Jýyrda Qazaqstan fermerler qaýymdastyǵy Prezıdent Qasym-Jomart Toqaev pen Premer-Mınıstr Álıhan Smaıylovtyń atyna ashyq hat joldady. Olar aýyl sharýashylyǵy tehnıkasynyń jeńildikpen lızıńteý baǵdarlamasyn jedel iske qosýdy suraǵan bolatyn.
Olardyń aıtýynsha, munyń nátıjesinde egin jınaý naýqanyna qysqa merzimde 1000-nan astam traktor men kombaın parkin jańartýǵa múmkindik bolady.