Elimizde 2 mln 328 myń zeınetker turady.
Jyl basynan beri respýblıkalyq búdjetten 3 trln 33,7 mlrd teńge zeınetaqy tólendi, dep habarlaıdy Almaty-akshamy.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Mınıstrliktiń málimetinshe,1 jeltoqsanda jıyntyq zeınetaqynyń ortasha mólsheri 120 838 teńgeni qurady, onyń ishinde yntymaqty zeınetaqy mólsheri – 82 950 teńge, bazalyq zeınetaqy – 37 888 teńge.
Jyl basynan beri respýblıkalyq búdjetten 3 trln 33,7 mlrd teńge somasyna zeınetaqy tólendi, onyń ishinde bazalyq zeınetaqy tóleýge – 930,6 mlrd teńge, yntymaqty zeınetaqy tóleýge – 2 trln 103,1 mlrd teńge qarastyrylǵan.
1 jeltoqsandaǵy jaǵdaı boıynsha elimizde 2 mln 328 myń zeınetker turady.
Eske sala keteıik, 2018 jylǵy 1 shildeden bastap memlekettik bazalyq zeınetaqy tólemi zeınetaqy júıesindegi ótilin eskere otyryp, ár alýshyǵa jeke taǵaıyndalady.
Bul rette 1998 jylǵy 1 qańtardaǵy jaǵdaı boıynsha yntymaqty júıede jumys istegen ýaqyty, sondaı-aq mindetti zeınetaqy jarnalary tólengen kezeńder zeınetaqy júıesindegi eńbek ótiline qosylady.
Eger azamattyń zeınetaqy júıesindegi ótili 10 jyl nemese odan az bolsa, sondaı-aq múlde joq bolsa, bazalyq zeınetaqy eń tómengi kúnkóris deńgeıiniń 60%-ine teń bolsa, sodan keıin 10 jyldan asqan ár jyl úshin onyń mólsheri 2%-ke artady. Al eger sizdiń ótilińiz 20 jyl bolsa, bazalyq zeınetaqy tómengi kúnkóris deńgeıiniń 80%-in quraıdy. Eńbek ótili 30 jyl nemese odan kóp bolsa, kúnkóris deńgeıiniń eń joǵarǵy mólsherinde ıaǵnı 100% belgilenedi.
«Eger bir aı ishinde mindetti zeınetaqy jarnalary Biryńǵaı jınaqtaýshy zeınetaqy qoryna birneshe ret aýdarylsa, jınaqtaýshy júıege qatysý merzimi bir aıdy quraıdy. Osylaısha mindetti zeınetaqy jarnalary neǵurlym turaqty jáne tolyq kólemde aýdarylsa, zeınet jasyna jetkende bazalyq zeınetaqy tólemderiniń mólsheri soǵurlym kóp bolady. Azamattyń jasyna baılanysty zeınetaqy tólemderiniń mólsheri 1998 jylǵy 1 qańtardaǵy jumys ótiline (kem degende 6 aı qajet) jáne zeınetkerlikke deıingi kezeńdegi ortasha aılyq tabysyna baılanysty bolady», dep túsindirdi mınıstrlik.