Qazaqstanda ónerkásiptik kásiporyndardyń qorshaǵan ortaǵa tıgizetin zıanyn azaıtý maqsatynda jańa sharalar qolǵa alynyp jatyr. Bul týraly Úkimet otyrysynda Indýstrıa jáne qurylys mınıstri Qanat Sharlapaev málimdedi, dep habarlaıdy aqshamnews.kz
Mınıstrdiń aıtýynsha, Ekologıalyq kodekske sáıkes, 17 iri ónerkásiptik kásiporyn eń úzdik qoljetimdi tehnologıalardy (EÚT) engizýi qajet. Bul tehnologıalar atmosferaǵa zıandy zattardyń shyǵaryndylaryn azaıtyp qana qoımaı, kásiporyn qyzmetkerleriniń eńbek jaǵdaılaryn da jaqsartýǵa múmkindik beredi.
Búginde osy kásiporyndardyń beseýi baǵdarlamalaryn bekitip, ony kezeń-kezeńimen iske asyrýdy bastady. Sonymen qatar, bıyl metalýrgıa salasyndaǵy taǵy úsh kásiporyn ózderiniń ekologıalyq baǵdarlamalaryn qabyldaýdy josparlap otyr.
Óńirlerdegi ekologıalyq jaǵdaıdy jaqsartý úshin kásiporyndar atmosferaǵa shyǵatyn zıandy zattardy azaıtý boıynsha belsendi jumys istep keledi. Olar jyl saıyn qalalar men aýdandardy kógaldandyrýǵa jáne eldi mekenderdi abattandyrýǵa baǵyttalǵan is-sharalarǵa qatysyp, tabıǵatty qorǵaý salasynda áleýmettik jaýapkershilikti arttyrýǵa atsalysýda.
Bul sharalar qorshaǵan ortany qorǵaý máselelerinde oń ózgeristerge qol jetkizip, ónerkásiptik salanyń turaqty damý úlgisin qalyptastyrýǵa yqpal etedi.