Zerttelgen úlgilerdiń 99,9%-yn quraıtyn "omıkron" nusqasy álemdegi basym shtamm bolyp qala beredi
Densaýlyq saqtaý mınıstrligi sońǵy aptada respýblıkada koronavırýs ınfeksıasymen syrqattanýshylyq 4%-ǵa, 1135-ten 1089 jaǵdaıǵa deıin tómendegenin málimdedi, dep habarlaıdy Almaty-akshamy.kz.
Táýligine oń PTR nátıjesi bar 200-ge deıin COVID-19 jaǵdaıy jáne teris PTR nátıjesi bar 10-ǵa deıin COVID-19 jaǵdaıy tirkeledi.
"Epıdemıologıalyq jaǵdaıdy baǵalaý matrısasyna sáıkes, respýblıka jáne barlyq óńirler jasyl aımaqta ornalasqan. Osyǵan súıene otyryp, QR-da koronavırýs ınfeksıasy boıynsha epıdemıologıalyq jaǵdaı turaqty dep aıtýǵa bolady. Bólingen shtamdardyń sońǵy rettiligi respýblıkada 100% jaǵdaıda "omıkron" nusqasynyń aınalymy anyqtalǵanyn kórsetti. Taratylǵan aqparat boıynsha, Qazaqstanda "omıkron HVV" nusqasy anyqtalmaǵanyn aıta ketken jón", - delingen habarlamada.
Zerttelgen úlgilerdiń 99,9%-yn quraıtyn "omıkron" nusqasy álemdegi basym shtamm bolyp qala beredi.
XBB nusqasyna keletin bolsaq, Dúnıejúzilik densaýlyq saqtaý uıymynyń aqparatyna sáıkes, 2022 jyldyń qazan aıynan bastap álemniń 38 elinde anyqtalǵan "omıkron" nusqalarynyń biri, naýqastardyń eń kóp sany Amerıka Qurama Shtattarynda anyqtalǵan.
Aýrýdyń klınıkalyq aýyrlyǵy men epıdemıologıalyq mańyzdylyǵy boıynsha zerthanalyq zertteýler jalǵasýda. DDU HVV nusqasyn zertteý men epıdemıologıalyq baqylaýdy jalǵastyrýda. Koronavırýs aınalymynyń jalǵasýyn eskere otyryp, biz myndaı keńes beremiz:
- ýaqtyly vaksınalaý men revaksınalaý alý;
- halyq kóp jınalatyn jerlerde maskalardy paıdalaný;
- adamdar kóp jınalatyn oryndarǵa barýdy shekteý;
- qoldy tazalaý úshin antıseptıkterdi nemese dezınfeksıalyq maılyqtardy paıdalaný.