Májbúrli eńbekti jergilikti atqarýshy organdar qoǵamdyq oryndarda uıymdastyrady.
Almaty qalasy Áýezov aýdandyq probasıa qyzmetiniń baqylaýyndaǵy 10 sottalǵan jáne Naýryzbaı aýdanynan 8 sottalǵan ózderine bekitilgen jumys ýchaskelerin tazalaýǵa kiristi. Bul týraly Almaty qalasy QAJD baspasóz qyzmeti málimdedi, dep habarlaıdy Almaty-akshamy.kz.
Bıyl elimizdiń barlyq óńirine de shamadan tys qar jaýdy. Ońtústik astana sanalatyn Almaty qalasynda da qalyń qar jaýyp, saryshunaq aıaz bastaldy. Ońtústiktiń janǵa jaıly aýa raıyna úırengen qala turǵyndary úshin qatal qys aıtarlyqtaı qıyndyqtar týdyrýda. Sonymen qatar qalyń qar jol qozǵalysyna da kedergi keltirýde.
«Almaty qalasynyń kóshelerin qardan tazalaýǵa komýnaldyq qyzmetkerlermen birge sottalǵandar da bir kisideı jumylýda. Almaty qalasy Áýezov aýdandyq probasıa qyzmetiniń baqylaýyndaǵy 10 sottalǵan jáne Naýryzbaı aýdanynan 8 sottalǵan ózderine bekitilgen jumys ýchaskelerin tazalaýǵa kiristi», - dep habarlady Almaty qalasy QAJD baspasóz qyzmeti.
Qala ákimdiginiń komýnaldyq qyzmet mamandarymen birge qar tazalaýǵa shyqqandar - QR Qylmystyq kodeksiniń 44-baby boıynsha sottalǵandar. Bas bostandyǵyn shekteý sottalǵan adamnyń turǵylyqty jeri boıynsha qoǵamnan oqshaýlanbaı óteledi. Májbúrli eńbekti jergilikti atqarýshy organdar qoǵamdyq oryndarda uıymdastyrady. Turaqty jumys orny bar nemese oqyp júrgen sottalǵandar, kámeletke tolmaǵandar, júkti áıelder, úsh jasqa deıingi jas balalary bar sottalǵandar, sondaı-aq zeınet jasyndaǵy sottalǵandar májbúrli eńbekke tartylmaıdy.
Qala kóshelerin qardan tazalaý barysynda probasıa qyzmetkerleri sottalǵandarǵa bas bostandyǵyn shekteý jazasyn zańǵa sáıkes óteýdiń jeńildikteri men jaza óteý tártibin buzýdyń zardaptaryn da keńinen túsindirýde.