Sıfrlyq tehnologıalar Qazaqstan qazynasyna 25 mlrd dollar túsirýi múmkin.
Sonyń 9 mıllıardy taý-ken sektorynan alynady. Osyǵan baılanysty iri kenishter men ónerkásip oryndaryn sıfrlandyrý kerek. Elordada ótip jatqan 13-shi Maıneks taý-ken geologıalyq forýmyna qatysýshylar osylaı deıdi. Sharaǵa 30 elden 200-den asa kompanıa keldi, dep habarlaıdy Almaty-akshamy.kz 24.kz-ke silteme jasap.
90-nan astam sarapshy sóz sóılep, otandyq mamandar ınvestorlarmen tájirıbe almasady. Erteń ekologıa máselesi talqylanady. Jıynda Qazaqstannyń jer qoınaýyndaǵy paıdaly qazbalar jaıy aıtyldy. Sarapshylar elde mystyń baı qory bolýy múmkin deıdi. Quny jyldan-jylǵa qymbattap kele jatqan paıdaly qazba qazirdiń ózinde álemniń iri kompanıalaryn qyzyqtyryp otyr.
«Qazaqstanda mys ken oryndary bar, olardyń aınalasynda taǵy tabylýy múmkin. Sondyqtan 1-2 jyl ishinde iri kompanıalar kelip jatyr. Ol Qazaqstanǵa tıimdi bolatynyna senemiz. Óıtkeni ol qyzmet naryǵyn keńeıtedi, mamandardyń sapasyn kóbeıtedi», - deıdi sarapshy Damır Qyzyr.