Óndiris alańynda qosymsha 40 jumys orny ashylǵan.
Qazaqstanda jańa óndiristik alań iske qosyldy. Bul alańda mamandar munaı-gaz jabdyqtaryn shyǵarady, dep habarlaıdy Almaty-akshamy.kz.
«Pavlodar qalasynda «KazPromBezopasnost JSHS munaı-gaz jabdyqtaryn shyǵaratyn óndiristik alań iske qosyldy. Atalǵan joba Indýstrıalandyrý kartasy sheńberinde júzege asyryldy. Óndiristik alańdy qurý men damytý sharalaryna 246 mln teńgeden astam qarjy ınvestısıalanǵan», - delingen Indýstrıa jáne ınfraqurylymdyq damý mınıstrliginiń baspasóz qyzmetiniń habarlamasynda.
Kásiporyn jylý almasý apparattaryn, kondensatorlar, aýany salqyndatatyn apparattar, krıogendik jabdyqtar, qubyr bólshekteri men qubyrlardyń kóptegen túrlerin, túrli metal konstrýksıalaryn shyǵarady. Óndiris orny óndiriletin taýar jelisin odan ári keńeıtýdi josparlap otyr.
«KazPromBezopasnostPV» JSHS óndiristik alańynda joǵary sapaly ónimdi daıyndaý úshin barlyq talaptarǵa jaýap beretin zamanaýı jabdyqtar ornatylǵan.
Óndiris alańynda qosymsha 40 jumys orny ashylǵan. Aldaǵy ýaqytta kásiporyndaǵy qyzmetkerler sanyn 150 adamǵa deıin jetkizý josparda bar.