300-den astam oqýshy ózara baq synasty.
Almatyda mektep oqýashylary arasynda IT-hakatonnan jarys ótti. Almaty Bala Fest festıvali aıasynda ótken saıysta 300-den astam oqýshy ózara baq synasty, dep habarlaıdy Almaty-akshamy.kz Almaty.tv silteme jasap.
Robototehnıka, mobıldi qosymshalardy ázirleý, saıt qurý, 3D modeldeý baǵyttary boıynsha ótkizilgen jobanyń negizgi maqsaty – balalardyń shyǵarmashylyq, zıatkerlik qabiletin damytý. Aıta keteıik, jarys jeńimpazdaryna jazǵy IT lagerine joldama beriledi.
«Búgin bizdiń mektepte aýqymdy is-shara ótkizilip jatyr. Qalalyq festıvál IT-hakaton Balalar jylyna arnalǵan. Búkil Almatydan daryndy bala kelip tur. Sáttilik tileımin», – dedi №144 mektep-gımnazıasynyń dırektory Álıa Salamatova.