Qazirgi ýaqytta bakalavrıatqa barlyǵy 2700 grant bólindi.
Densaýlyq saqtaý mınıstrligi medısınalyq mamandyqtar boıynsha bakalavrıatqa jáne rezıdentýraǵa bilim granttarynyń sanyn arttyrdy, dep habarlaıdy Almaty-akshamy.kz QazAqparatqa silteme jasap.
Qazirgi ýaqytta bakalavrıatqa barlyǵy 2700 grant bólindi: «Meıirbıke isi», «Farmasıa», «Jalpy medısına/Medısına», «Stomatologıa», «Pedıatrıa», «Qoǵamdyq densaýlyq» mamandyqtaryna - 2335 grant, kvota - 365 grant (jetim balalar, múgedektigi bar tulǵalar jáne t. b.), 20 grant - halyqaralyq kelisimder sheńberindegi granttar.
Magıstratýraǵa Densaýlyq saqtaýdaǵy menedjment, Qoǵamdyq densaýlyq saqtaý, Meıirbıke isi, Farmasıa, Bıomedısına, Medısına, Medısınalyq-profılaktıkalyq is mamandyqtary boıynsha 325 grant bólindi.
Máselen, 2023 jyly memlekettik granttardyń sany 1500-diń ornyna 1700-ge deıin, 2024 jyly - 1800, 2025 jyly - 2000-ǵa deıin ulǵaıady.
Aıta keteri, rezıdentýranyń memlekettik bilim tapsyrysyn bólý kezinde densaýlyq saqtaý, aımaqtandyrý basqarmalarynyń ótinimderine jáne JOO, ǴZI, UO ótinimderine sáıkes óńirlerdiń qajettiligi eskeriledi.
Tutastaı alǵanda, medısına kadrlaryn daıarlaýǵa arnalǵan memlekettik bilim berý tapsyrysy óńirlerdiń qajettiligi men jergilikti atqarýshy organdardyń ótinimderi eskerile otyryp qalyptastyrylady.
Jyl saıyn respýblıkalyq komısıa densaýlyq saqtaý salasyndaǵy bilim berý uıymdary úshin mamandyqtar boıynsha bilim granttaryn alqaly túrde bóledi.
Máselen, 2021-2022, 2022-2023, 2023-2024 oqý jyldaryna «Densaýlyq saqtaý» baǵyty boıynsha jyl saıyn memlekettik tapsyrys berý kózdeledi: bakalavrıat – 2700, rezıdentýra – 1500, magıstratýra – 325, doktorantýra – 160 oryn. Bul rette asa tapshy mamandyqtardy bólý joǵary oqý oryndaryn óńirlendirýdi eskere otyryp, óńirlerdiń qajettilikteri men ótinimderi negizinde komısıalyq túrde qalyptasady.
17 mamyrda rezıdentýrada medısına kadrlaryn daıarlaý úshin memlekettik bilim tapsyrysyn ornalastyrý jónindegi komısıa medısınalyq joǵary oqý oryndaryna bilim grantyn bóldi.
QazUMÝ - 380, BQMÝ - 166, QMÝ-174, SMÝ-172, AMÝ-194, OQMA-87, QRMÝ-76, UǴKO-23, HQTÝ-20, UǴMO,-6, UMC korporatıvtik qory -62, UNO-10, Travmatologıa jáne ortopedıa ǴZI-8, ýrologıa ǴO - 2, QazǴZI kóz aýrýlary - 10, AGjPǴO-29, Syzǵanova atyndaǵy hırýrgıa UǴO -14, UǴOO -24, PjBHǴO-20, KjİAǴZI -10, QazORǴZI – 13.