Qazaqstan men EO elderi arasyndaǵy taýar aınalymy 2022 jyldyń 6 aıynda $20,1 mlrd qurady
Sharaǵa Eýropalyq Odaqtyń Qazaqstandaǵy ókildiginiń basshysy, Germanıa, Fransıa, Ispanıa, Lıtva, Polsha, Belgıa, Shvesıa, Slovakıa, Estonıa, Horvatıa, Nıderland, Bolgarıa, Chehıa, Latvıa, Fınlándıa, Italıa, Aýstrıa, Grekıa jáne Rýmynıanyń elimizdegi elshileri, sondaı-aq ortalyq memlekettik organdar men ulttyq kompanıalardyń basshylary qatysty, dep habarlaıdy Almaty-akshamy.kz Úkimettiń resmı resýrsyna silteme jasap.
Qazaqstan men EO elderi arasyndaǵy taýar aınalymy 2022 jyldyń 6 aıynda $20,1 mlrd qurady. Bul 2021 jyldyń sáıkes kezeńimen salystyrǵanda 51,2%-ǵa kóp.
1-toqsannyń qorytyndysy boıynsha jalpy sheteldik ınvestısıalardyń elge kelýi 54%-ǵa artyp, $6,8 mlrd qurady. Bul oraıda taý-ken óndirý ónerkásibine kapıtal tartý deńgeıi 35,7%-ǵa ósip, $3,5 mlrd qurady.
«Biz Eýroodaqtyń Qazaqstannyń taý-ken ónerkásibine qyzyǵýshylyq tanytyp otyrǵanyn kórip otyrmyz. Osy saladaǵy yntymaqtastyqtyń áleýeti zor. Osyǵan baılanysty Eýropalyq Odaq elderiniń geologıalyq qyzmetterin sıfrlandyrý, geologıa ǵylymyn damytý jáne salalyq ınfraqurylym salasynda seriktes bolýǵa shaqyramyz», - dedi Álıhan Smaıylov.
Salany avtomattandyrý aıasynda jer qoınaýyn paıdalaný salasyndaǵy barlyq qoldanystaǵy aqparattyq júıelerdi biriktirý jáne ıntegrasıalaý arqyly Kaznedra biryńǵaı platformasy qurylady. Bul platforma ınvestorlarǵa «bir tereze» rejıminde keshendi servıstik qyzmet kórsetýge yqpal etetin bolady.