Atalǵan fılm 2019 jyly qazaqstandyq jáne halyqaralyq mamandardyń qatysýymen Gollıvýdta túsirilgen.
19 shildede Almatyda Denıs Tenniń jobasy boıynsha túsirilgen "Soqyr mahabbat" fılminiń tusaýkeseri ótedi, dep habarlaıdy Almaty-akshamy.kz
Fılmde erekshe eki jastyń sezimi beınelengen. Fılmdegi boıjetken – mylqaý, al jigit soqyr.
"Olardyń arasyndaǵy mahabbat tarıhy áleýmettik jelide hat almasýdan bastalady. Olar bir-birine óz erekshelikteri týraly qalaı jetkizerlerin bilmeı alasurady. Kórermen erekshe adamdar arasynda týyndaǵan taza,sheksiz mahabatqa kýá bolady", - dep jazylǵan fılm paraqshasynda.
Esterińizge sala keteıik, Denıs Ten 2108 jyly Tımýr Bekmambetovtyń BAZELEVS kompanıasy uıymdastyrǵan qysqa metrajdy fılm baıqaýyna qatysqan bolatyn.
Sportshynyń óliminen keıin Tımýr Bekmambetov onyń senarıi boıynsha fılm túsirý nıeti baryn aıtqan.
Túsirilim qazaqstandyq jáne halyqaralyq mamandardyń qatysýmen 2019 jyly Gollıvýdta ótti.
Fılm prokatqa 28 shildede Almaty men Nur-Sultan qalasynda barlyq Chaplin kınoteatrlarynda shyǵady.
Esterińizge sala keteıik, osydan tórt jyl buryn 19 shildede Almatynyń ortasynda sportshy Denıs Ten kólik urlyǵymen aınalysýshylardyń qolynan qaza tapqan bolatyn.