Qazaqstanda maska rejımin engizý josparlanyp otyrǵan joq.
Alaıda, bul rejım eldegi epıdemıologıalyq jaǵdaıǵa baılanysty. Densaýlyq saqtaý mınıstri Ajar Ǵınıattyń aıtýynsha, Qazaqstanda tabylǵan koronavırýstyń jańa shtammdary, onyń ishinde «Stels-Omıkron» shtammy búginde genetıkalyq deńgeıde qosymsha zerttelýde, dep habarlaıdy Almaty-akshamy.kz
Taldaýlar nátıjesi mamyr aıynyń sońyna deıin daıyn bolady. Sondaı-aq, mınıstr indetti juqtyrý iri megapolıster - Nur-Sultan men Almaty qalalarynda anyqtalyp jatqanyn aıtty.
"Elimizdiń 12 óńirinde koronavırýs ınfeksıasynyń «Omıkron» túriniń biri anyqtaldy. Bul - «Stels-Omıkron». Koronavırýs ınfeksıasynyń bul túri «Delta» vırýsyna qaraǵanda jeńil ótedi. Biraq, jyldam taralýymen qaýipti ári qaıtadan aýrýǵa alyp keledi. Qazir onyń búkil elimizde qarqyndy túrde tarala bastaǵanyn kórip otyrmyz. Aýrýdyń jalpy qalaı júrip jatqany kún saıyn baqylaýda. Uqsas sımptomdarmen nemese koronavırýs anyqtalǵan naýqastardyń barlyǵy tolyq em-dom alyp jatyr", - QR Densaýlyq saqtaý mınıstri Ajar Ǵınıat.
Sondaı-aq, sala basshysy halyqty qaıta vaksınalaý barysy týraly aıtty. Kún saıyn respýblıkada 15 myńǵa jýyq adam ekpe saldyrýda. Onyń ishinde Pfizer vaksınasymen ımmýndaý josparǵa saı júrip jatyr. Búgingi tańda onyń 1 mıllıon dozasy qorda saqtaýly.