Turızm - Qazaqstandaǵy qarqyndy damyp kele jatqan salalardyń bírí. Infraqūrylymnyń jaqsaruy, tsıfrlandyru jáne áue qatynastarynyń keńeyuí Almatyny da halyqaralyq jáne íshkí sayahatshylar úshín barynsha qoljetímdí árí tartymdy ete tústí. 2025 jyly qalanyń turızm kórsetkíshterí tūraqty ósím kórsettí. Turısterdí qoljetímdí baǵa, baı mádenı mūra, erekshe tabıǵı landshafttar qyzyqtyrady. Almatyǵa ásírese Koreya, Qytaı, TMD elderínen keletínder kóp. Qalanyń ásem tabıǵaty onyń turıstík brendín kúsheıtíp otyr.
Aqshamnews.kz saualyna jauap retínde Almaty qalasy Turızm basqarmasy 2025 jyldyń basynan 1 jeltoqsanǵa deıíngí resmı derekterdí ūsyndy.
2025 jylǵy turıster legí: ósím jáne negízgí kórsetkíshter
2025 jyldyń bírínshí jarty jyldyǵynda Almatyǵa 1 mln 140 myń turıst kelgen - būl byltyrmen salystyrǵanda 6,5% ósím.
- Sheteldík turıster sany 7%-ǵa artyp, 323,6 myń adamǵa jettí.
- Íshkí turızm de qarqyn aldy: 816 myń turıst, ósím - 6,3%.
Almaty turızmíníń jandanuyna tanymal jūldyzdar qatysqan ís-sharalar da septígín tıgízíp, oń áser etpeı qoımady.
Dımash Qūdaıbergenníń fan-kezdesuí: 45 elden 10 myń qonaq
Bıyl 26 mamyrda ánshíníń Almatyda ótken fan-kezdesuíne álemníń 45 elínen kelgen jankúıerler shamamen 10 myńǵa juyq qosymsha qonaqúı men tūratyn oryn sūranysyn tuǵyzdy.
Sheteldíkterdíń kólík, qoǵamdyq transport, tamaqtanu, sauda-sattyqqa jūmsaǵan shyǵyndary qala byudjetíne aıtarlyqtaı paıda ákeldí.
Djennıfer Lopes - 27 myń kórermen, onyń 7 myńy - sheteldíkter
Almatydataǵy bír álemdík jūldyz - Djennıfer Lopestíń qatysumen ótken kontsert kóptíń esínde. 10 tamyzda Ortalyq stadıonda ótken álemdík shouǵa 27 myń kórermen jınalyp, onyń 7 myńy 35 elden kelgen. Bılet baǵasy – 40 000–180 000 tg.
Ūıymdastyrushylardyń keltírgen derekterí boıynsha , ís-sharadan túsken salyq kólemí – 600 mln teńge.
Turızm basqarmasynyń ūsynǵan málímetíne saı, 2025 jyldyń on aıynda turızmnen túsken salyq mólsherí: 67,4 mlrd teńge - būl ótken jylmen salystyrǵanda 27,4% kóp. Būl saladaǵy bıznes belsendílígíníń artqanyn kórsetedí.
Turıster geografıyasy jáne shyǵyndary
2025 jyldyń alǵashqy alty aıynda Almatyǵa eń kóp kelgen elder:
- Úndístan – 56 206 turıst (17,3%)
- Qytaı - 54 125 turıst (16,7%)
- Túrkıya - 17 974 (5,5%)
- Koreya Respublıkasy - 9 725 (2,2%)
- AQSh - 9 655 (1,6%)
Mastercard derekteríne sáıkes:
- turıst Almatyda orta eseppen 3,5 kún ayaldaıdy
- táulígíne 441 dollar jūmsaıdy
Keíngí úsh jyldaǵy ósím dınamıkasy
Almaty osylaısha jyl saıyn tūraqty ósím kórsetíp keledí:
- 2022 - 1 809 000 turıst
- 2023 - 2 000 000
- 2024 - 2 340 000
"Qaırat" - "Real Madrıd" matchí: myńdaǵan sheteldík turıst
Bıyl Almatyda álem nazaryn audartqan taǵy bír mańyzdy oqıǵa - "Qaırat" pen "Real Madrıd" kezdesuí boldy. 26-29 qyrkúıekte ótken tarıhı match Almatyǵa 5 myńnan astam sheteldík qonaq ákeldí.
Qazaqstannyń basqa óńírlerínen kelgen jankúıerlerdí qosqanda, kelushíler sany ondaǵan myń adamǵa jettí.
Turısterdíń negízgí legí Qytaı, Úndístan, Reseı, QR óńírlerí, Japonıya, Ūlybrıtanıya, Ispanıya, Chehıya jáne basqa da Europa elderínen kelgen.
Mastercard málímetínshe, match úshín kelgen bír sheteldík turıst ortasha eseppen 1 500 dollarǵa shyǵyndanǵan.
Olardyń tūru, tamaqtanu, kólík, oıyn-sauyq, saudaǵa jūmsaǵan qarajaty qala ekonomıkasyna aıtarlyqtaı áser etken, shaǵyn jáne orta bıznestí jandandyrdy.
