Veterınarıa salasyndaǵy kemshilikter aıtyldy.
Mal dárigerleriniń jalaqysy kóbeıedi. Aýyl sharýashylyǵy mınıstri Erbol Qarashókeevtiń aıtýynsha, eń az eńbekaqyny mal dárigerleri alady, dep habarlaıdy Almaty-akshamy.kz Almaty.tv silteme jasap.
Komýnaldyq kásiporyndardaǵy mal dárigerleriniń ortasha aılyq jalaqysy óńirlerge qaraı 80 myń men 200 myń teńgeni quraıdy. Respýblıkadaǵy mal dárigerleriniń ortasha jasy 40 pen 55 jas aralyǵynda. Osylaısha aýyl sharýashylyǵy mınıstri veterınarıa salasyna joǵary bilikti jas mamandar jetispeıtinin atap ótti. Májilistegi Úkimet saǵatynda mınıstr bul saladaǵy kemshilikterdi joıýǵa baǵyttalǵan qadamdardy atap aıtty.
«Joǵaryda atalǵan barlyq máseleler qazirgi ýaqytta ázirlenip jatqan «Veterınarıa týraly zańǵa» ózgerister men tolyqtyrýlar engizý jónindegi zań jobasynda kórinis tabatynyn atap ótkim kelip otyr. Ony Parlamentke aǵymdaǵy jyldyń 3 toqsanynda engizýdi josparlap otyrmyz. Aýyl sharýashylyǵy mınıstrliginiń veterınarıa júıesin jetildirýdiń negizi, júıesi osyndaı», – dedi QR Aýyl sharýashylyǵy mınıstri Erbol Qarashókeev.