Dostas serb halqyna mol baqyt, qut-bereke tiledi.
Qasym-Jomart Toqaev Aleksandr Výchıchti Qazaqstan halqynyń jáne jeke óziniń atynan Serbıa Respýblıkasynyń Prezıdenti bolyp qaıta saılanýymen quttyqtady, dep habarlaıdy Almaty-akshamy.kz Aqordaǵa silteme jasap.
«Saılaýdaǵy aıqyn jeńisińiz – otandastaryńyzdyń Sizge jáne Serbıanyń damýyn baıandy etýge, azamattarynyń ál-aýqatyn eseleýge jáne halyqaralyq sahnadaǵy bedelin arttyrýǵa baǵyttalǵan saraly saıasatyńyzǵa kórsetken keń qoldaýynyń aıǵaǵy ekeni sózsiz. Osy rette, Sizdiń basshylyǵyńyzben elińiz odan ári órkendep, mereıi árqashan ústem bolýyna tilektespin», – delingen jedelhatta.
Qazaqstan Prezıdenti eki el arasyndaǵy ózara tıimdi yntymaqtastyqqa negizdelgen mazmundy saıası dıalog pen saýda-ekonomıkalyq baılanystardyń aıasy jyldan-jylǵa keńeıip kele jatqanyn zor rızashylyqpen atap ótti. Sondaı-aq áleýeti zor yntymaqtastyqty odan ári órkendetý úshin Serbıa Prezıdentimen birlese kúsh jumyldyrýǵa daıyn ekenin rastady.
Memleket basshysy serbıalyq áriptesine sarqylmas kúsh-qýat, asa jaýapty qyzmeti men qolǵa alǵan tyń bastamalaryna tolaǵaı tabys, al dostas serb halqyna mol baqyt, qut-bereke tiledi.