Bıylǵy kórsetkishter 5,8%-ǵa ósken.
Osy jyldyń toǵyz aıynyń qorytyndysy boıynsha Qazaqstanda jumys istep jatqan makaron ónimderin shyǵaratyn 40 kásiporyn 122,8 myń tonna ónim óndirdi, dep habarlaıdy Almaty-akshamy.kz
«Ótken jyldyń uqsas kezeńimen salystyrǵanda bıylǵy kórsetkishter 5,8%-ǵa ósken. Bul rette qazaqstandyqtar jyl saıyn orta eseppen 130 myń tonnaǵa jýyq makaron tutynady», - delingen ASHM habarlamasynda.
Aıta ketsek, shetelge 47,1 myń tonna makaron ónimi eksporttaldy, bul kólem 2021 jyldyń uqsas kezeńiniń deńgeıinde qaldy. Qazaqstandyq makaronnyń negizgi tutynýshylary - Reseı, Ózbekstan jáne Tájikstan.
«Makaron ónimderiniń az kólemi Qazaqstanǵa ımporttala bastady. Qańtardan qyrkúıekke deıingi kezeńde elge tek 23,4 myń tonna sheteldik ónim ákelindi, bul kórsetkish 8,2%-ǵa tómendedi. Salystyrý úshin aıta keteıik, 2021 jyldyń osy kezeńinde 25,5 myń tonna ımporttalǵan edi», - delingen vedomstvo aqparatynda.