Almaty qalasynyń Memlekettik aktıvter basqarmasynyń basshysy Abzal Egemberdıev ÓKQ brıfıńinde senimgerlik basqarmasyna berilgen nysandar týraly aıtty, - dep habarlaıdy almaty-akshamy.kz
Memlekettik múlikti senimgerlik basqarýǵa berý Qazaqstan Respýblıkasy Ulttyq ekonomıka mınıstriniń 2015 jylǵy 16 qańtardaǵy № 17 buıryǵymen bekitilgen Memlekettik múlikti senimgerlik basqarýǵa berý erejelerine jáne Memlekettik múlikti senimgerlikpen basqarý týraly úlgi shartqa sáıkes júzege asyrylady (budan ári – Ereje).
Nysandy senimgerlik basqarýǵa berý úshin ýákiletti memlekettik organ osy máseleni bul suraqqa qatysty jetekshilik etetin Almaty qalasy ákiminiń orynbasarynyń tóraǵalyǵymen Almaty qalasynyń komýnaldyq menshigindegi zańdy tulǵalardy jáne jyljymaıtyn múlik nysandaryn ońtaılandyrý jónindegi komısıanyń qaraýyna engizýi qajet.
Nysandy senimgerlik basqarýǵa berý e-qazyna.kz reestriniń veb-portalynda tender ótkizý jolymen júzege asyrylady, onda tenderdi memleket úshin eń jaqsy degen usynystar jasaǵan qatysýshy utady.
Bıylǵy jyly basqarýǵa berilgender:
- 5 jyl merzimge deıin satyp alý quqyǵynsyz 20 sanıtarlyq-gıgıenalyq torap;
- 5 jyl merzimge deıin satyp alý quqyǵynsyz aýǵan soǵysyna qatysqan ardagerler men múgedekterdi qoldaý boıynsha ortalyq ashý úshin Áýezov aýdany, 5 yqsham aýdany, 58 A meken jaıynda ornalasqan ǵımarat;
- 5 jyl merzimge deıin satyp alý quqyǵynsyz Alataý aýdany, Soltústik aınalym, 58/3 meken jaıy boıynsha ornalasqan aqyl-kemistigi bar adamdarǵa qoldaý kórsetýge arnalǵan «Trenıń-kafe» ashýǵa arnalǵan ǵımarat;
- Jetisý aýdanynyń «Baqytty otbasy» ortalyǵyn ashý úshin Jetisý aýdany, Jansúgirov kóshesi, 65/34 úı, Lomonosov kóshesiniń buryshy meken jaıynda ornalasqan ǵımarat;
- Almaly aýdanynyń «Baqytty otbasy» ortalyǵyn ashý úshin Naýryzbaı batyr kóshesi, 106a meken jaıynda ornalasqan ǵımarat.