Premer-Mınıstrdiń orynbasary Serik Jumanǵarın Ekibastuz qalasynyń ahýaly jóninde oqıǵa ornynan beınekonferensıa ótkizdi, dep habarlaıdy Almaty-akshamy.kz QazAqparatqa silteme jasap.
«JEO-ǵa keletin sýdyń qysymy tómendep, shyǵyny kóbeıip ketti. Sol sebepti, JEO ıeleri men ákimshilik sheshim qabyldap, 149 kóp qabatty úıdi, 114 jeke úı men 15 áleýmettik ǵımaratty jylýmen jabdyqtaýdan ýaqytsha ajyratty. Bul nemen baılanysty? Biz eki táýlik boıy sý ketken jerdi izdedik. Onyń bir ereksheligi bar, sý jerdiń astynan syrtqa shyqpaıdy. Keshe ǵana sý ketip jatqan eń úlken jer tabyldy. Qazirgi ýaqytta barlyq jumys sol jerde júrip jatyr, ol úshin 39 brıgada, onyń ishinde 214 adam basqa qalalardan da jınaldy. Búgin túski ýaqytta Máshhúr Júsip kóshesindegi 17 kóp qabatty turǵyn úı men Amanat partıasynyń ǵımaratyna jylý qosylady. Keshke deıin barlyq kóp qabatty úılerge jylý beriledi», - dedi Serik Jumanǵarın.