Ulttyq ekonomıka vıse-mınıstri Arman Qasenov elektr energıasyna tarıfter "aqylǵa qonymdy shekte" qymbattaıtynyn málim etti, dep habarlaıdy aqshamnews.kz
"Aqylǵa qonymdy shekterde tarıfterdiń eń tómengi ósimi bolady Investısıalyq baǵdarlama oryndalady, biraq oǵan qyzmet kórsetý merzimi 20 jylǵa sozylady. Biz barlyq esepteýdi jasadyq. Bul boljamdar emes, taldaýǵa negizdelgen tujyrymdar. Ósim az bolady", - dedi Qasenov.
Vıse-mınıstr sonymen qatar tarıfter ósiminiń ınflásıaǵa yqtımal áseri týraly túsinikteme berdi. Onyń aıtýynsha, esepteýlerde birneshe júz ónim bar ınflásıalyq qorjynnyń qurylymy eskeriledi.
Ár elementtiń áseri mınımaldy. Sonymen qatar, bizde tóbe bar: eger áserdiń belgili bir shekten asatynyn kórsek, onda tarıfterdiń ósýin shekteımiz, – dep atap ótti ol.
Tarıfter naqty qanshaǵa qymbaıtyny jóninde suraqqa Qasenov bul búkil el boıynsha júzden astam tabıǵı monopolıalardyń árbir sýbektisine baılanysty ekenin atap ótti.
"200 túrli tarıftik san bar. Biz bastapqy tarıfti jáne ony kóterý qajettiligin qarastyramyz. Bizdiń esepteýlerimiz ósýdiń óte qalypty bolatynyn kórsetedi", - dep sendirdi ol.