Amerıka qurama shtattarynyń ulttyq kontrbarlaý jáne qaýipsizdik ortalyǵy (NCSC) kúlli álem boıynsha 100-ge tarta memlekettiń mobıldi qurylǵylardy buza alatyn zamanýı tyńshylyq baǵdarlamasyn satyp alǵanyn habarlady.
Bul jaıynda islam.kz portaly securitylab aqparat kózine silteme jasaı otyryp málim etedi, dep habarlaıdy aqshamnews.kz.
Árbirden soń mundaı baǵdarlamany memlekettiń ózi de, jekelegen tulǵalar da paıdalanýǵa kóshken. Osyǵan baılanysty tyńshylyq baǵdarlamalaryna suranys artyp keledi. Buǵan qosa, mundaı baǵdarlamalar keńinen taralyp, qol jetkizýge ońaı quralǵa aınalǵan.
Keıbir baǵdarlamalar «plug and play» (“qosyl da jumys isteı ber”) qaǵıdaty boıynsha jumys isteıtindikten bopsalaýshylar men hakerler (ınternet qaraqshylary) tarapynan da qyzyǵýshylyq týdyrýda. Izraıldik NSO Group kompanıasy áıgili Pegasus spyware tyńshylyq baǵdarlamasy bul bıznestegi basty quraldardyń birine aınaldy. 2021 jyly AQSH bıligi NSO Group kompanıasyn jýrnalıserge, azamattyq belsendilerge, dıplomattarǵa, laýazymdy tulǵalarǵa tyńshylyq jasaý úshin qoldanylǵan baǵdarlamalyq jasaqtamany satýdy aıyptap, qara tizimge aldy. Dál osy tizimge Intellexa jáne Cytrox baǵdarlamalary da kirgen.
Osyǵan qaramastan atalmysh ızraıldik kompanıa NSO Group tehnologıasynyń búginde terorızmmen jáne ózge de aýyr qylmystarmen kúreste kóp kómegin tıgizip kele jatqandyǵyn málimdedi. Budan bólek, NSO Group ókilderi ózderiniń jasaqtamalyq baǵdarlamasyn aram maqsatyna paıdalanǵandardy anyqtasa, ondaı klıenttermen aradaǵy kelisim-shartty buzatynyn atap ótti. NSO Group – naryqtaǵy jalǵyz oıynshy emes, búginde mundaı quraldardy usynatyn kompanıalar jetip artylady. Brıtanıanyń ulttyq kıberqaýipsizdik ortalyǵy atap ótkendeı, mundaı tehnologıa óz kezeginde ázirlenýine birneshe ondaǵan jyldar ketetin túrli tehnologıalarǵa kóptegen memleketterdiń qol jetkizgenin keltirdi.