Elimizdiń kólik-logıstıkalyq kesheniniń qarqyndy damýyn eskere otyryp, orta merzimdi perspektıvada 25 jańa mamandyq qajet bolady dep kútilýde. Bul týraly Úkimet otyrysynda Jumysshy mamandyqtary jyly aıasyndaǵy is-sharalar jospary qaraldy, dep habarlady kólik mınıstri Marat Qarabaev.
Atap aıtqanda, ol jańa jobalardy iske asyrý kezinde jobanyń sıfrlyq analogyn jáne 3D-modeldeýdi paıdalanýdy kózdeıtin BIM tehnologıasy boıynsha avtomobıl joldaryn salý men rekonstrýksıalaýdy jobalaý kózdelgenin habarlady. Bul baǵytta «aqyldy joldar» boıynsha tıisti ınjener-jobalaýshylar, BIM tehnologıasynda jumys tájirıbesi bar prorabtar, qurylys robottarynyń operatory jáne sıfrlyq jobalaýshy qajet bolady. Kólik-logıstıka salasyndaǵy iri toraptardy basqarý úshin sıfrlyq logıstıkalyq kartalar konstrýktory men operatory kerek.
Azamattyq avıasıada syrtqy pılottandyrylatyn avıasıalyq júıelerdiń pılottary suranysqa ıe bolady. Osyǵan oraı, aldaǵy ýaqytta ýákiletti organ men bilim berý mekemelerimen birge osy mamandyqtardy ashý máselesi qarastyrylady.
Búgingi tańda 9,7 mln jumyspen qamtylǵan halyqtyń 772 myńy kólik sektorynda jumys isteıdi, onyń basym bóligi temirjol jáne avtomobıl kóligi, logıstıka jáne qoımalaý salalaryna tıesili.