Premer-mınıstr avıasıa, temirjol jáne keme qatynasynda qajetti mamandar daıarlaýdy, sondaı-aq aýyldyq jerlerge mamandar tartý josparyn ázirleýdi tapsyrdy, dep habarlaıdy aqshamnews.kz
Úkimet otyrysynda Prezıdent jarıalaǵan Jumysshy mamandyqtary jylyn júzege asyrý aıasynda kólik salasyndaǵy, atap aıtqanda, avıasıa, temirjol jáne keme qatynasy sıaqty joǵary tehnologıalyq salalardaǵy kadr tapshylyǵy máselelerine nazar aýdaryldy. Kólik mınıstrligine kompanıalarmen birlesip osy salalar úshin mamandar daıarlaýdyń naqty josparyn ázirleý tapsyryldy.
Agroónerkásip keshenin ornyqty damytý úshin Aýyl sharýashylyǵy mınıstrligi óńir ákimderimen birlesip, aýyldaǵy mamandarǵa tartymdy jaǵdaı jasaý máselelerin belsendi túrde pysyqtap, osy baǵytta jańa baǵdarlamalardy iske qosýy qajet.
Energetıka mınıstrligi kompanıalarmen birlese jer qoınaýyn paıdalanýshylarmen, jumys berýshilermen, salalyq kolejdermen ózara tyǵyz qarym-qatynas jasaı otyryp, jumysshy kadrlar daıarlaý boıynsha úlken jumys júrgizý kerek.
Sonymen qatar kadr daıarlaý jáne qaıta daıarlaý prosesine bıznes te belsendi atsalysýy qajet. Elimizde jumys berýshi esebinen biliktiligin arttyrýǵa baratyn qyzmetkerler úlesi tek 6%-dy quraıdy. Sondaı-aq EYDU elderinde bul kórsetkish 48%-ǵa jetedi. Osyǵan baılanysty Premer-mınıstr bıznesti jumysshy kadrlardyń biliktiligin arttyrýǵa, olardy áleýmettik qoldaýǵa jáne laıyqty eńbek jaǵdaılaryn jasaýǵa kúsh salýǵa shaqyrdy.