Oljas Bektenov qaýipsiz eńbek jaǵdaıynyń saqtalýyna qatań baqylaý júrgizýdi, kásiporyndardyń sıfrlyq kartasyn engizýdi tapsyrdy, dep habarlaıdy aqshamnews.kz
Memleket basshysy jarıalaǵan jumysshy mamandyqtaryn iske asyrý máseleleri jónindegi Úkimet otyrysynda Premer-mınıstr Oljas Bektenov Eńbek jáne halyqty áleýmettik qorǵaý mınıstri Svetlana Jaqypovanyń jumysshy kadrlardy qoldaý sharalary týraly baıandamasyn tyńdap, eńbek zańnamasynyń, eńbek jaǵdaılary men qaýipsizdiginiń saqtalýyna baqylaýdy kúsheıtý qajettigin atap ótti.
«Kásiporyndarda eńbek daýlaryna jol bermeý úshin aldyn alý sharalary qabyldanýǵa tıis. Sizge jumysshylardyń qaýipsiz eńbek jaǵdaılarynyń saqtalýyna qatań monıtorıń júrgizýdi, sonyń ishinde kásiporyndardyń sıfrlyq kartasyn engizýdi tapsyramyn», — dep atap ótti Oljas Bektenov.
Salalyq mınıstrlikterge laıyqty eńbek qaǵıdattaryn ilgeriletý jáne tıisti konvensıalardy ratıfıkasıalaý úshin Halyqaralyq eńbek uıymymen ózara tyǵyz is-qımyldy qamtamasyz teý tapsyryldy.