Eýropalyq qaıta qurý jáne damý banki (EQDB) Empire Manufacturing Kazakhstan (EMK) kompanıasyna 10 mıllıon AQSH dollaryna deıin nesıe bóledi. Bul qarajat kompanıaǵa Qazaqstannyń «Horgos» arnaıy ekonomıkalyq aımaǵynda zamanaýı kofe óńdeý zaýytyn salyp, iske qosýǵa jáne jańa jumys oryndaryn ashýǵa múmkindik beredi, dep habarlaıdy aqshamnews.kz
Jańa zaýytta óndiriletin kofeniń shamamen 50 paıyzǵa jýyǵy Ortalyq Azıa men Kavkaz aımaqtaryna eksporttalady dep kútilýde. Bul joba aımaqtyń kofemen qamtamasyz etý kólemin arttyrýǵa jáne halyqaralyq naryqta básekege qabiletti bolýǵa yqpal etedi.
EMK — halyqaralyq azyq-túlik jáne sýsyndar óndirý men taratý salasynda jumys isteıtin Food Empire Holdings tobynyń enshiles kásiporny. Kompanıanyń aksıalary Sıngapýr bırjasynda saýdalanady.
Aıta keteıik, EQDB Qazaqstanda jalpy somasy €11 mıllıardtan astam qarjyny 335 jobaǵa ınvestısıalaǵan. Bul ınvestısıalardyń basym bóligi jeke kásipkerlik sektoryn qoldaýǵa baǵyttalǵan.