Almatyda tártip saqshylary elektrondy temekini zańsyz satý deregin anyqtady.
Almaty qalasy Alataý aýdanynda 200 dana veıpty zańsyz satqany anyqtaldy, dep habarlaıdy aqshamnews.kz.
Jedel is-sharalar nátıjesinde eki adam anyqtaldy jáne ustaldy, olardyń bireýi tyıym salynǵan ónimderdi jetkizýmen aınalysqan, ekinshisi qoıma ıesi. Talǵar aýdanyndaǵy qoımany tintý barysynda 5 myńǵa jýyq elektrondy temeki tárkilendi.
Ustalǵan qoıma ıesiniń sózinshe, ol zańsyz baıý maqsatynda veıpterdi satýmen aınalysqan, al qoımany ónimdi ýaqytsha saqtaý úshin paıdalanǵan. Temeki ónimderi, elektrondy tutyný júıeleri (veıpter), hosh ıistendirgishter men olarǵa arnalǵan suıyqtyqtardyń aınalymyna qatysty qylmystyq is qozǵaldy. Tergeý sharalary jalǵasýda.