AQSH-tyń muǵalimder odaqtary men Ózge násilderdiń progresine járdemdesý ulttyq qaýymdastyǵy (NAACP) AQSH prezıdenti Donald Tramp ákimshiligin sotqa berdi, dep habarlaıdy aqshamnews.kz.
The New York Times basylymynyń jazýynsha, sotqa júginýge bıliktiń AQSH-tyń Bilim mınıstrligin jabý týraly sheshimi sebep bolǵan.
Tramp ákimshiligi bul ómirlik mańyzdy agenttikti jabý nıetin birneshe ret málimdegen, sońǵy ret 2025 jylǵy 20 naýryzdaǵy jarlyqta atap kórsetildi, – delingen sotqa usynylǵan shaǵymda.
Basylymnyń málimetinshe, eki aryz túsken: birin Ulttyq bilim berý qaýymdastyǵy (NEA) men NAACP Merılend shtatynyń sotyna berse, ekinshisin Amerıkalyq muǵalimder federasıasy (AFT) Massachýsets federaldy sotyna tapsyrǵan.
Naýryz aıynyń ózinde Bilim mınıstrliginen 1,3 myńnan astam qyzmetker jumystan bosatylǵany atap ótildi. Sonymen qatar shaǵym avtorlary muǵalimderdi daıarlaý men zertteý jumystaryn qarjylandyrýǵa arnalǵan 1,5 mıllıard dollardan astam somaǵa kelisimsharttar men granttardyń joıylǵanyn málimdedi.