El turǵyndary 2022 jyldyń múlik salyǵyn 2023 jyldyń 1 qazanynan keshiktirmeı tóleýi kerek, dep habarlaıdy Almaty-akshamy.kz.
«Qazaqstan aýmaǵyndaǵy: ózderine menshik quqyǵynda tıesili turǵynjaılar, ǵımarattar, saıajaı qurylystary, garajdar, orynturaq oryndary jáne ózge de qurylystar, qurylysjaılar, úı-jaılar; jeke tulǵalarǵa menshik quqyǵynda tıesili jer ýchaskeleri múlik salyǵyn salý obektisi bolyp sanalady. Búdjetke salyq tóleý jyljymaıtyn múliktiń ornalasqan jeri boıynsha esepti salyqtyq kezeńnen keıingi jyldyń 1 qazanynan keshiktirmeı júrgiziledi. Iaǵnı, 2022 jyldyń múlik salyǵyn 2023 jyldyń 1 qazanynan keshiktirmeı tóleý qajet», - dep atap ótedi memlekettik kirister komıtetinen agenttiktiń resmı saýalyna oraı.
Vedomstvonyń naqtylaı túsýinshe, eger bir jyl ishinde jyljymaıtyn múlik menshik quqyǵynda on eki aıdan az bolsa, osyndaı obektiler boıynsha tólenýge jatatyn múlik salyǵy salyq somasyn on ekige bólý jáne salyq salý obektisiniń menshik quqyǵynda bolýynyń is júzindegi kezeńi aılarynyń sanyna kóbeıtý arqyly esepteledi.
Bul rette obektiniń menshik quqyǵynda bolýynyń is júzindegi kezeńi salyqtyq kezeńniń basynan bastap (eger obekt osyndaı kúnge menshik quqyǵynda bolsa) nemese obektige menshik quqyǵy týyndaǵan aıdyń 1-kúninen bastap osyndaı obektige menshik quqyǵy berilgen aıdyń 1-kúnine deıin nemese salyqtyq kezeńniń sońyna deıin (eger obekt osyndaı kúnge menshik quqyǵynda bolsa) aıqyndalady.
Birneshe jeke tulǵanyń ortaq úlestik menshigindegi salyq salý obektisi úshin salyq olardyń osy múliktegi úlesine proporsıonaldy esepteledi.
Myna jeke tulǵalar múlik salyǵyn tólemeıdi:
1) Keńes Odaǵynyń batyrlary, Sosıalısik Eńbek erleri, «Halyq qaharmany», «Qazaqstannyń Eńbek Eri» ataqtaryna ıe bolǵan, úsh dárejeli Dańq ordenimen jáne «Otan» ordenimen nagradtalǵan adamdar – «Salyq» Kodeksiniń 528-baby 1) tarmaqshasynda kórsetilgen barlyq salyq salý obektisiniń jalpy qunynan respýblıkalyq búdjet týraly zańda belgilengen jáne tıisti qarjy jylynyń 1 qańtaryna qoldanysta bolatyn aılyq eseptik kórsetkishtiń 1000 eselengen mólsheri sheginde;
2) Ekinshi dúnıejúzilik soǵysynyń ardagerleri, jeńildikter boıynsha Ekinshi dúnıejúzilik soǵysynyń ardagerlerine teńestirilgen ardagerler jáne basqa memleketterdiń aýmaǵyndaǵy urys qımyldarynyń ardagerleri, Ekinshi dúnıejúzilik soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy Keńes Odaǵynyń ordenderimen jáne medaldarymen nagradtalǵan adamdar, sondaı-aq 1941 jylǵy 22 maýsym – 1945 jylǵy 9 mamyr aralyǵynda keminde alty aı jumys istegen (qyzmet ótkergen) jáne Ekinshi dúnıejúzilik soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy Keńes Odaǵynyń ordenderimen jáne medaldarymen nagradtalmaǵan adamdar, múgedektigi bar adamdar:
turǵyn úı qory, sonyń ishinde onyń janyndaǵy qurylystar men qurylysjaılar alyp jatqan jer ýchaskeleri boıynsha;
úı janyndaǵy jer ýchaskeleri boıynsha;
qurylys alyp jatqan jerlerdi qosa alǵanda, jeke úı (qosalqy) sharýashylyǵyn júrgizý, baǵbandyq jáne saıajaı qurylysy úshin berilgen jer ýchaskeleri boıynsha;
garajdar alyp jatqan jer ýchaskeleri boıynsha;
múliktiń barlyq salyq salý obektisiniń jalpy qunynan respýblıkalyq búdjet týraly zańda belgilengen jáne tıisti qarjy jylynyń 1 qańtaryna qoldanysta bolatyn aılyq eseptik kórsetkishtiń 1500 eselengen mólsheri sheginde;
3) jetim balalar jáne 18 jasqa tolǵanǵa deıingi kezeńge ata-anasynyń qamqorlyǵynsyz qalǵan balalar:
turǵyn úı qory, sonyń ishinde onyń janyndaǵy qurylystar men qurylysjaılar alyp jatqan jer ýchaskeleri boıynsha;
úı janyndaǵy jer ýchaskeleri boıynsha;
qurylys alyp jatqan jerlerdi qosa alǵanda, jeke úı (qosalqy) sharýashylyǵyn júrgizý, baǵbandyq jáne saıajaı qurylysy úshin berilgen jer ýchaskeleri boıynsha;
garajdar alyp jatqan jer ýchaskeleri boıynsha;
4) bala kezinen múgedektigi bar adamnyń, múgedektigi bar balanyń ata-anasynyń biri:
turǵyn úı qory, sonyń ishinde onyń janyndaǵy qurylystar men qurylysjaılar alyp jatqan jer ýchaskeleri boıynsha;
úı janyndaǵy jer ýchaskeleri boıynsha;
qurylys alyp jatqan jerlerdi qosa alǵanda, jeke úı (qosalqy) sharýashylyǵyn júrgizý, baǵbandyq jáne saıajaı qurylysy úshin berilgen jer ýchaskeleri boıynsha;
garajdar alyp jatqan jer ýchaskeleri boıynsha;
5) «Batyr ana» ataǵyna ıe bolǵan, «Altyn alqa» alqasymen nagradtalǵan kópbalaly analar, bólek turatyn zeınetkerler:
turǵyn úı qory, sonyń ishinde onyń janyndaǵy qurylystar men qurylysjaılar alyp jatqan jer ýchaskeleri boıynsha;
úı janyndaǵy jer ýchaskeleri boıynsha;
barlyq salyq salý obektisiniń jalpy qunynan aılyq eseptik kórsetkishtiń 1000 eselengen mólsheri sheginde.
Salyqtan bólek turatyn zeınetkerler dep zańdy mekenjaıy (olardyń turǵylyqty mekenjaıy) boıynsha tek qana zeınetkerler tirkelgen zeınetkerler túsiniledi.