Almatyda Mercedes kóligi aıaldamaǵa soǵylyp, saldarynan jeti adam jaraqat aldy.
Jol apaty týraly aqparat áleýmettik jelide taraǵan. Polısıa málimetinshe apat 28 tamyzda 12:20 shamasynda bolǵan, dep habarlaıdy Almaty-akshamy.kz.
Polisia.kz-tiń habarlaýynsha, 1987 jyly týǵan kólik júrgizýshisi Abylaı han dańǵyly boıymen kele jatyp, Raıymbek dańǵylyna burylǵanda tizginge ıe bola almaı qalǵan. Saldarynan aıaldamaǵa soǵylypty.
"Jol apaty saldarynan 7 adam jaraqat aldy. Olar qaladaǵy medısına mekemesine jetkizildi. Jol-kólik oqıǵasy Almaly aýdandyq polısıa basqarmasynda tirkeldi", – delingen habarlamada.