Kanıkýl men jol qozǵalysynyń jıileýine baılanysty QR İshki ister mınıstrligi jol qozǵalysy qaýipsizdigi aılyǵyn ótkizedi.
Bul týraly QR İshki ister mınıstrligi Ákimshilik polısıa komıteti tóraǵasynyń orynbasary Jandos Muratalıev aıtty, dep habarlaıdy Almaty-akshamy.kz QazAqparatqa silteme jasap.
«Tek ótken demalys kúnderi 80-nen astam jol-kólik oqıǵasy bolyp, 20-dan astam adam qaza tapty. Iaǵnı, jol jaǵdaıyn eskerip, elimizdegi joldarda adamdardyń qaza bolýy, jaraqat alýy, múgedek bolyp qalýy saldarynan İshki ister mınıstrligi jol qozǵalysy qaýipsizdigi aılyǵyn ótkizýdi uıǵardy. Jol-patrýldik qyzmettiń barlyq ekıpajdary osy sharany ótkizýge barynsha jumyldyrylǵan. Birinshi kezekte jolaýshylardy tasymaldaýmen aınalysatyn kólik quraldary tekseriledi. Iaǵnı, avtobýstar, mıkroavtobýstar, mınıvender, taksı júrgizýshileri. Osy jol apattaryn taldaý nátıjesinde kórgenimizdeı, mysaly, bes oryn qarastyrylǵan jeńil avtokólikte – jeti-segiz adam, bes eresek jáne eki-úsh bala qaza tapqan», - dedi Jandos Muratálıev İshki ister mınıstrliginiń onlaın brıfıńinde.
Onyń aıtýynsha, jol-patrýl polısıasynyń túngi ýaqyttaǵy jumysy kúsheıtilgen, sebebi jol-kólik oqıǵalarynyń basym bóligi qarańǵy túskende jıileıdi.
Sondaı-aq, demalys kezinde avtokólik joldarynda qozǵalys kóbeıedi. Qyzmetkerler túrli sebepter boıynsha avtokólikterdi toqtatqanda júrgizýshilerdiń, ásirese, túngi ýaqytta muqıat bolýy úshin túsindirý jumystaryn júrgizedi.
Sonymen birge, J. Muratálıev birqatar jol apatyn teksergende tejegish iziniń joqtyǵy anyqtalǵanyn, bul júrgizýshilerdiń kólikte uıyqtap ketkenin bildiretinin aıtty. Osy sebepti sońǵy ýaqytta 8 adam qaza taýyp, 9 adam jaraqat alǵan.
Sondyqtan, kólikti toqtatqan polısıa qyzmetkerleri júrgizýshiniń jaı-kúıine – sapardy jalǵastyra alatynyna, kóliktiń qaýipsizdik talaptaryna sáıkestigine, jolaýshylar sanyna jáne basqa da máselelerge nazar aýdarady.