Jol-kólik oqıǵalary 6%-ǵa, olardan qaıtys bolǵan azamattar sany 7%-ǵa ósken.
Premer-Mınıstrdiń birinshi orynbasary Roman Sklár eldegi jol-kólik apaty týraly statısıkalyq derekterdi jarıalady, dep habarlaıdy Almaty-akshamy.kz
«Resmı statısıkaǵa sáıkes, 2022 jyldyń qorytyndysy boıynsha jol-kólik oqıǵalary 6%-ǵa, olardan qaıtys bolǵan azamattar sany 7%-ǵa jáne jaralanǵandar 6%-ǵa ósken. Taldaý kórsetkendeı, joldaǵy apat statısıkasynyń nasharlaýy 2020-2021 jyldardaǵy pandemıa kezeńinde engizilgen shekteýler aıasynda bolyp otyr. 2019 jylmen salystyrǵanda apat sany shamamen 11%-ǵa, jaralanǵandar 14%-ǵa qysqardy, qaıtys bolǵandar sany is júzinde sol deńgeıde qaldy», - dep jaýap berdi R. Sklár depýtat saýalyna.
Oǵan qosa, keıingi jyldary elimizde avtokólik sany ósip keledi jáne 4,7 mln kólik quraly bar (2019 jyly – 4,1 mln, 2020 jyly – 4,2 mln, 2021 jyly – 4,3 mln).
Barlyq jol-kólik apatynyń 75%-ǵa jýyǵy eldi mekenderde, «ólimge ákep soǵatyn» JKO jartysyna jýyǵy qala syrtyndaǵy trassalarda bolady. Árbir úshinshi jol-kólik oqıǵasyna ushyraýshy, qaıtys bolǵan jáne jaralanǵan árbir tórtinshi adam – jaıaý júrginshiler. JKO-nyń negizgi sebepteri júrgizýshilerdiń jyldamdyq rejımderin asyrýy jáne jaıaý júrginshilerdiń jol júrý qaǵıdalaryn buzýy bolǵandyqtan, polısıa tıisti den qoıý sharalaryn kúsheıtken.