Qazaqstanda sheteldikterinen alynatyn bed tax týrısik jarnasy engizildi.
Qazaqstanda sheteldikterinen alynatyn bed tax týrısik jarnasy engizildi. Osyǵan oraı QR Mádenıet jáne sport mınıstrligi qonaq úılerge bed tax salyǵyn salý mehanızmin túsindirdi, dep habarlaıdy Almaty-akshamy.kz
2022 jyldyń 1 qańtarynan bastap Qazaqstanda sheteldikterinen alynatyn bed tax týrısik jarnasy engizildi. Pandemıadan keıin naryqty qalpyna keltirý maqsatynda ótken jyly týrısik jarna nóldik mólsherlemede bekitildi. Al bıyldan bastap sala damýynyń oń serpinin eskere otyryp, jarna boıynsha 5%-ǵa deıingi mólsherleme qoldanylady.
Osy normany talqylaý maqsatynda elordalyq qonaqúıler jaýapty memlekettik organdardyń, onyń ishinde QR Mádenıet jáne sport mınıstrligi, Qarjy mınıstrliginiń ókilderimen kezdesken.
«Bul - týrızm salasyn qarjylandyrýdyń taǵy bir kózi. Memleket basshylyǵy, qoǵam, bıznes ókilderi bizdiń aldymyzǵa qoıǵan mindetterdi tolyq aqtaý úshin turaqty qarjylandyrý qajet. Halyqaralyq praktıkada ol úshin bed tax-ty qoldanady. Alysqa barmaı, mundaı salym túri kórshiles Reseı men Ózbekstanda da bar», - dedi Mádenıet jáne sport vıse-mınıstri Erjan Erkinbaev kezdesýde.
Vıse-mınıstrdiń aıtýynsha, elimizge jyldan-jylǵa syrttan keletin týrıserdiń sany ósip keledi, bed tax arqyly búdjetke jyl saıyn keminde 2,5 mlrd teńge túsýin boljaýǵa bolady.
«Týrısik jarnadan túsken qarajat týrızmdi ári qaraı damytýǵa jumsaýǵa bolady. Mysaly, Abaı oblysy qonaq úıleri jınaǵan qarajat sol oblysqa jol salý, týrısik jerlerde dárethanalar salý jalpy týrısik ınfraqurylymǵa, Abaı oblysyn jarnamalaýǵa baǵyttaý ábden múmkin», - dedi Erjan Erkinbaev.
«Týrısik jarna mólsherlemelerin óńirdiń árbir máslıhaty sheteldikterdiń kelý dınamıkasyna baılanysty derbes belgileıdi, ıaǵnı, bir oblystyń aýdandary men qalalarynda ártúrli stavkalar qoldanylýy múmkin, biraq keminde 1%-dy, al maksımaldy máni - 5%-dan aspaý tıis. Sondaı-aq, mólsherlemelerdi maýsymdyq júkteme negizinde ózgertýge bolady», - dep túsindirdi Dastan Ryspekov.
Sondaı-aq, ol búgingi tańda mólsherlemeler elimizdiń 31 qalasy men aýdandarynda bekitilgenin atap ótti. Astana jáne Almaty qalalarynda 5% mólsherinde bekitilgen, al keıbir óńirlerde bekitý áli de jalǵasyp jatyr.
Kezdesýde qonaq úı basshylary týrısik jarnany engizý prosesiniń tájirıbesimen bólisti.
Sondaı-aq sheteldik týrıserdiń mundaı tólemderge yqtımal reaksıasy týraly, sheteldikter úshin bul jarna bir shyny kofeden qymbat bolmaıtyny aıtyldy.