Eldi mekenderdegi joldardyń uzyndyǵy 61 myń shaqyrymdy quraıdy.
Qazaqstan Úkimeti eldi mekenderdegi jol jóndeý jumystarynyń sapasyna mindetti saraptamany engizý mehanızmin daıarlap jatyr, dep habarlaıdy Almaty-akshamy.kz.
Joldardyń sapasy boıynsha ákimdikter reıtıńiniń ádistemesi bıylǵy jyldyń sońyna deıin bekitilmek. Bul týraly IIDM baspasóz qyzmeti habarlap otyr.
«Avtomobıl joldarynyń sapasyn arttyrýǵa baılanysty Memleket basshysynyń tapsyrmasyna oraı QR Indýstrıa jáne ınfraqurylymdyq damý mınıstrligi birqatar keshendi sharalardy daıarlady. Saladaǵy baqylaýdy kúsheıtý maqsatynda qolǵa alynǵan jumystar ishinde profıldik normatıvtik aktilerdiń mańyzyn jetildirýge de jete nazar aýdarylyp otyr.Atap aıtqanda, kólik salasyna qatysty jańa zań jobasy daıarlandy. Ol «Jol aktıvteriniń ulttyq sapa ortalyǵy» RMK arqyly eldi mekenderdegi jol jóndeý jumystaryna mindetti saraptama júrgizýdi qarastyrady. Ulttyq sapa ortalyǵy saraptama barysynda jóndeý jumystarynyń tıisti normalarǵa sáıkestigine baılanysty qorytyndy shyǵarady»,- delingen IIDM baspasóz qyzmetiniń habarlamasynda.
Osy oraıda atap ótken jón, búginde joldy paıdalanýǵa bergennen keıin tehnıkalyq qadaǵalaý men jobany júzege asyrǵan mekemeler jóndeý jumystary barysyndaǵy qate sheshimder men aqaýlar úshin jaýapkershilikke tartylmaıdy.
Osy olqylyqtyń aldyn alý maqsatyndaǵy zań jobasy qazirgi kúnde Parlament Májilisiniń qaraýynda.
Sondaı-aq mınıstrlik avtomobıl joldary salasyndaǵy 1200-ge jýyq normatıvtik-quqyqtyq aktilerdiń mańyzyn arttyrýdy qolǵa alýda. Olar mekemeniń atqaratyn jumysyn rettep, baqylaý sapasyn kúsheıtedi. Atalǵan qujattarǵa jol jóndeý jumystaryna halyqaralyq tájirıbe men tehnologıalardy jáne zamanaýı materıaldardy qoldaný syndy birqatar ózgerister engizý qarastyrylýda.
Qosymsha yntalandyrý sharasy retinde QR IIDM joldardyń sapasyna baılanysty ákimderdiń reıtıńin anyqtaý ádistemesin daıarlaýda. Ol 2022 jyldyń aıaǵyna deıin bekitilmek.
Aıta keteıik, Qazaqstandaǵy ortaq paıdalanylatyn avtomobıl joldarynyń jalpy uzyndyǵy 157 myń shaqyrymdy quraıdy. Onyń ishinde 25 myń shaqyrym respýblıkalyq mańyzy bar jol jelisi bolsa, 71 myń shaqyrym jergilikti mańyzy bar joldar sanatyna kiredi. Al eldi mekenderdegi joldardyń uzyndyǵy 61 myń shaqyrym.
Qazirgi qoldanystaǵy zańǵa oraı respýblıkalyq mańyzy bar joldarǵa Indýstrıa jáne ınfraqurylymdyq damý mınıstrligi men «QazaqAvtoJol» UK» AQ tikeleı jaýapty. Al jergilikti mańyzy bar joldar men eldi meken arasyndaǵy joldar jergilikti atqarýshy organdardyń quziretinde.