Qazaqstanda 2021 jyly ishki týrıser sany 6,9 mln boldy.
Bul - aldyńǵy jyldarmen salystyrǵanda, rekordtyq kórsetkish. Ekotýrızmdi damytý jónindegi keńeste mádenıet jáne sport vıse-mınıstri Erjan Erkinbaev osylaı málimdedi, dep habarlaıdy Almaty-akshamy.kz Qazaqtv.com saıtyna silteme jasap.
Sondaı-aq jyl sońyna deıin respýblıkaǵa 700 myńǵa jýyq sheteldik týrıs keledi dep kútilýde.
«28 elmen 107 baǵyt boıynsha halyqaralyq qatynastar qalpyna keltirildi, sondaı-aq 77 eldiń azamattary úshin vızasyz rejım qalpyna keltirildi. 2021 jyldyń qorytyndysy boıynsha ulttyq parkterge barýshylar sany 1,5 mln adam boldy. 2022 jyldyń sońyna deıin ulttyq parkterge kelýshilerdiń sanyn 1,6 mln-ǵa deıin arttyrý josparlanyp otyr»,- dep atap aıtty vıse-mınıstr.
Aıta ketý kerek, salalyq mekeme jyl sońyna deıin ishki týrızmge ınvestısıalardy 708 mlrd teńgege deıin ulǵaıtýdy josparlap otyr. 31 myńnan astam adam týrızm salasyna jumysqa tartylǵan. Sheteldik týrıser úshin týroperatorlardy sýbsıdıalaý, balalar áýe bıletiniń qunyn óteý, taý shańǵysy jabdyqtary men týravtobýstardy satyp alý, týrısik jáne jol boıyndaǵy qyzmet kórsetý nysandaryna ketken shyǵyndy ótep berý boıynsha memlekettik qoldaý sharalary júzege asyrylýda. İshki týrızmdi ilgeriletý úshin NeoNomad aksıalary uıymdastyrylyp jatyr, ol ishki týrıserdi elimizdiń 20 óńirin aralaýǵa yntalandyrady.
Túrgen shatqalynda týrıserge arnalǵan vızıt-ortalyq ashyldy
Sondaı-aq týrıserge arnalǵan jańa vızıt-ortalyqtarynyń sany artyp keledi. Zamanaýı úlgidegi ortalyqta jergilikti saıahatshylar men sheteldik meımandar ulttyq parktiń qyzmeti týraly barlyq qajetti aqparatty ala alady. Sondaı-aq «Turgensai» kesheninde dáris zaly, kádesyı dúkeni, tamaqtaný orny men oıyn alańy jumys isteıdi. Osylaısha saıahatshylardyń alańsyz tynyǵýyna barlyq jaǵdaı jasalǵan. Mundaı ortalyqtar aldaǵy kúnderi Altynemel men Sharyn ulttyq parkterinde ashylady dep josparlanyp otyr.