Dúkenniń alǵashqy tutynýshylary retinde muqtaj otbasylar shaqyryldy.
«Zeket jáne qaıyrymdylyq» qorynyń Almatydaǵy ókildiginiń uıymdastyrýymen «Qaıyrymdylyq dúkeni» ashyldy, dep habarlaıdy Almaty-akshamy.kz QMDB baspasóz qyzmetine silteme jasap.
Saltanatty sharada Almaty Ortalyq meshitiniń bas ımamy Tólebı Dádiluly quttyqtaý sóz sóılep, ashylý rásime qatysty. Shashý shashylyp, balalar qýanyshqa keneldi. Dúkenniń alǵashqy tutynýshylary retinde muqtaj otbasylar shaqyryldy. Balalarǵa oıynshyqtar, turmystyq zattar, kıimder, keńse taýarlaryn alyp, qýanyshqa kenelgen kóp balaly analar uıymdastyrýshy qaıyrymdy jandarǵa alǵysyn aıtty. Dúkenniń ary qaraı kómekke zárý jandar ıgiligine qyzmet etýine tileýlestik bildirdi.
«Qurmetti aǵaıyn! Siz de «QAIYRYMDYLYQ DÚKENİNE» qoldaý kórsetip, óz úlesińizdi qosa alasyz. Jaqsylyq jasap jarysaıyq!» - deıdi uıymdastyrýshylar.