Bul týraly QR Ǵylym jáne joǵary bilim mınıstrligi Til saıasaty komıtetiniń tóraǵasy Erbol Tileshov aıtty, dep habarlaıdy Almaty-akshamy.kz
«Osy nemese kelesi aıda Úkimet «Qazaqstan Respýblıkasynda til saıasatyn damytýdyń 2023-2029 jyldarǵa arnalǵan tujyrymdamasyn» bekitedi. Onda joǵary laýazymdy memlekettik qyzmetkerlerge memlekettik tildi bilýdi mindetteý engiziledi. Alǵashynda barlyq memlekettik qyzmetkerge mindetteýdi engizip kórdik, biraq túrli qarsylyqtar boldy. Talqylaý barysynda mınıstr, mınıstr orynbasary, ákim, ákim orynbasary sekildi tek joǵary laýazymdy tulǵalarǵa memleket til bilý mindeteldi», - dedi Erbol Tileshov QR Prezıdenti İs basqarmasynda «Memlekettik til – tatýlyq negizi» atty dóńgelek ústelde.
Onyń aıtýynsha, jańa tujyrymdamada memlekettik tilde is-qaǵazdardy júrgizý, memlekettik tilde zań qabyldaý, aýdarma sapasy máseleleri qarastyrylǵan.
«Ásirese qujattardyń túpnusqada memlekettik tilde daıyndalýy mańyzdy. Munda qazaq tili áli kúnge deıin aýdarma tili bolyp qalýda, bul shyndyq. Qazir 30 jylda úlken mamandar legi qalyptasty, sondyqtan talap qozǵaý kerek dep oılaımyn», - dedi Erbol Tileshov.