Almatyda aty ańyzǵa aınalǵan balalar men jasóspirimder teatrynyń negizin qalaýshy Natalá Sastyń 120 jyldyǵyna arnalǵan memorıaldy taqta ashyldy, dep habarlaıdy almaty-akshamy.kz
Almatyda Qala kúnin merekeleý aıasynda jáne balalar men jasóspirimder teatrynyń negizin qalaýshy Natalá Sastyń 120 jyldyǵyna oraı oǵan arnalǵan memeorıaldy eskertkish taqtanyń saltanatty ashylý rásimi ótti. KSRO Halyq ártisi Natalá Ilınıchna balalar teatryna ómiriniń 13 jylyn arnady jáne 100-den astam spektákl qoıdy.
N.Sas atyndaǵy balalar men jasóspirimderge arnalǵan teatr ǵımaratynyń janyndaǵy memorıaldyq taqtanyń saltanatty ashylýyna Qazaqstannyń eńbek sińirgen ártisteri Tatána Tarskaıa, Valerıa Krymskaıa, aty ańyzǵa aınalǵan teatrdyń dańqty trýppasy jáne «Sats ComUnity» balalar teatr stýdıasynyń tárbıelenýshileri, Almaty qalasy mádenıet basqarmasynyń basshysy Ǵanı Maılybaev jáne t. b. qatysty.
Ártisterdiń aıtýynsha, Almatydaǵy jas kórermen teatry 1945 jyly ashyldy, teatr ujym búgingi kúnge deıin qalyptasqan mádenı dástúrlerdi ustanýda. Sarqylmas energıanyń, erik-jigerdiń jáne ónerge degen súıispenshiliktiń arqasynda Natalá Sas soǵys kezinde balalarǵa arnalǵan alǵashqy teatrdy ashqan edi.
«1945 jyldan beri el men qala alǵash ret uly Natalá Sasqa qurmet kórsetti. Árıne, teatrdyń negizin qalaýshy, kórnekti rejıser eren eńbegi óz jemisin berýde. Bul ómir aǵashynyń kúshti, berik tamyry bar jáne ol ár kóktemde gúldep, barlyq kórermenderge, qazaqstandyqtarǵa jáne elimizdiń qonaqtaryna akterlerimizdiń oıynynan umytylmas áser qaldyrady», - dedi Natalıa Sas atyndaǵy balalar men jasóspirimderge arnalǵan memlekettik akademıalyq orys teatry dırektorynyń mindetin atqarýshy Oleg Gostev.
Memorıaldy taqta Shalápın kóshesi, 22 (.Altynsarın kóshesiniń buryshy), N. Sas atyndaǵy balalar men jasóspirimderge arnalǵan teatr aýmaǵyna ornalastyryldy.