Qala kúnin qalaı paıdaly ótkizýge bolady?
2023 jylǵy 16-17 qyrkúıekte Almatynyń túrli mekenjaılarynda sporttyq-buqaralyq is-sharalar: «Almaty Urban Fest 2023», ulttyq sport túrleriniń festıvali, báıge men velojarys ótedi, dep habarlaıdy Almaty-akshamy.kz
«Almaty Urban Fest 2023» qalalyq jáne ekstremaldy sport túrleriniń festıvali eki kún boıy 2 alańda ótedi. Birinshi kún irikteý, jeksenbide úlken fınal jáne jeńimpazdardy marapattaý. Halyq Arena aýmaǵynda vorkaýt, chırlıdıng, kóshe bıi, armreslıng, roýp-djamp, gir kóterý jáne strıtboldan jarystar ótse, skeıtbordıng, rolıkter, skýterler men BMX trúkteri boıynsha jarystar ortalyq mádenıet saıabaǵynda ótedi. Sharaǵa kásipqoı sportshylar jáne áýesqoılar qatysa alady. Jeńimpazdar medaldar, dıplomdar, baǵaly syılyqtar men sertıfıkattarmen marapattalady. Sporttyń 11 túri boıynsha jalpy aqshalaı júlde qory 6 120 000 teńge. Festıvál aıasynda kásibı dıdjeıdiń, rep-battldyń, sondaı-aq festıváldiń hedlaıneri Nurbolat Qanaıdyń konserttik baǵdarlamasy qarastyrylǵan.
Sportshylarǵa tirkelý http://almatyurbanfest2023.tilda.ws./
Resmı ashylýy 17 qyrkúıek saǵat 9:15-te.
16 jáne 17 qyrkúıekte qalalyq Arbatta armrestlıng, toǵyzqumalaq, buqa tartý, asyq atý jáne salmaq kóterý sıaqty ulttyq sport túrleri boıynsha buqaralyq jarystar ótedi. Jeńimpazdar estelik syılyqtarmen marapattalady.
Bastalýy 16 qyrkúıek 9: 00
16 qyrkúıekte Almaty ıpodromynda báıge boıynsha irikteý týrnıri ótedi. Almatylyq shabandozdar qunan, Top - báıge jáne Alaman báıgede jalpy júlde qory 20 900 000 teńge úshin jarysady. Bul týrnır 7 qazanǵa josparlanǵan fınalǵa irikteý kezeńi. İs-shara qonaqtaryn Asylbek Ergepov pen Erbolat Qudaıbergenniń oryndaýyndaǵy túrli konserttik-oıyn-saýyq baǵdarlamasy, fýd-aımaq, sondaı-aq baǵaly syılyqtar utys oıyny kútedi.
Bastalýy 16 qyrkúıek 12: 00
17 qyrkúıek kúni tańerteń jalpy qalalyq velojarys ótedi, oǵan qala men respýblıkanyń ataqty veloshabandozdary men sportshylary qatysady. Sondaı-aq, atalǵan is-sharaǵa Almaty qalasynyń árbir turǵyny men qonaǵy qatysa alady. Velojarys «Nurly taý» kópfýnksıonaldy ortalyǵynan bastalady, sodan keıin qatysýshylar ál-Farabı dańǵylynyń boıymen júrip, «Tuńǵysh Prezıdent saıabaǵynda» márege jetedi.
Sóre: Nurly - Taý kópfýnksıonaldy ortalyǵy, saǵat 7: 30
Máresi Tuńǵysh Prezıdent parkinde, saǵat 08:20
Tuńǵysh Prezıdent saıabaǵynda 17 qyrkúıekte jyl saıynǵy "Alma fest" merekelik is-sharasy jalǵasady, onyń aıasynda alma jármeńkesi, konserttik baǵdarlama jáne kóptegen is-sharalar: zýmba, ıoga jáne skandınavıalyq serýendeý boıynsha jattyǵýlardyń ashylýy josparlanǵan.
17 qyrkúıek, saǵat 10:00-den bastalady.
Jalpy aqparat úshin baılanys: Araılym Áshimova, sport basqarmasynyń baspasóz hatshysy +77474323588