Sıfrlyq damý, ınovasıalar jáne aeroǵarysh ónerkásibi vıse-mınıstri Dmıtrıı Mýn Úkimet otyrysynda aýyl sharýashylyǵy salasyn sıfrlandyrý boıynsha júrgizilip jatqan jumystar týraly baıandady.
Ol aýyl sharýashylyǵyn sıfrlandyrý – jerdi tıimdirek paıdalanýǵa jáne fermerlerdiń jumysyn jeńildetýge kómektesetinin atap ótti, dep habarlaıdy aqshamnews.kz.
«Ol úshin biz jerdi basqarýdyń ıntellektýaldy júıelerin engizemiz. Úlken derekterden qundy aqparatty alamyz. Osynyń nátıjesinde ekonomıka ósýde, al ónim óndirýshiden satyp alýshyǵa tezirek jáne ońaı jetedi»,— dedi Dmıtrıı Mýn.
Búgingi tańda Aýyl sharýashylyǵy mınıstrligi memlekettik qyzmettiń 93 túrin kórsetedi. Onyń 98%-y onlaın rejıminde usynylady. 2024 jyly 2,6 mln-nan astam elektrondyq qyzmet kórsetildi.