"Umaı" ıpoteka baǵdarlamasy 2025 jyldyń ekinshi jartysynda qaıta iske qosylmaq. Bul týraly "Otbasy bank" pen Azıa damý banki arasynda tıisti kelisimge qol qoıyldy, dep habarlaıdy aqshamnews.kz
«Biz bul kredıt boıynsha stavkanyń barynsha tómen bolýyna tyrysamyz. Sondyqtan qarjylandyrýdyń yńǵaıly sátin jáne tıimdi paıyzdyq mólsherlemeni tańdaımyz», — dep málimdedi «Otbasy bank» basqarma tóraıymy Lázzat Ibragımova.
"Umaı" ıpotekasynyń erekshelikteri:
Baǵdarlama 2021-2023 jyldar aralyǵynda jumys istegen. Burynǵy sharttar boıynsha:
- Paıyzdyq mólsherleme — 14,4%.
- Bastapqy jarna — 15-20%.
- Nesıe somasy — 30 mln teńgege deıin.
- Qaryz merzimi — 25 jylǵa deıin.
Jańa ıpoteka erekshelikteri:
- Buryn tek Astana, Almaty, Aqtaý jáne Atyraý qalalarynda jumys istese, endi barlyq qalalarda qoljetimdi bolady.
- Baǵdarlamaǵa kez kelgen otbasylyq jaǵdaıdaǵy, kez kelgen salada jumys isteıtin áıelder qatysa alady.
- Qatysýshylar kez kelgen jyljymaıtyn múlikti (jańa nemese ekinshi naryqtaǵy) satyp ala alady.
Baǵdarlama qaıta iske qosylǵan kezde paıyzdyq mólsherleme men sharttar naqty belgilenedi.