2024 jylǵy 26 jeltoqsanda QR Parlamenti Senatynyń depýtaty Nurıa Nıazova óziniń depýtattyq saýalynda Almatydaǵy "Medeý" muz aıdynyna Halyqaralyq kónkıshiler odaǵynyń (ISU) erekshe mártebesin berý bastamasyn usyndy, dep habarlaıdy aqshamnews.kz
Senatordyń pikirinshe, "Medeý" muz aıdyny óziniń tarıhı mańyzdylyǵyn saqtap keledi jáne qysqy sport túrleriniń halyqaralyq arenasynda Qazaqstannyń pozısıasyn nyǵaıta otyryp, álemdik sport kartasyna qaıta oralýǵa qabiletti.
Depýtattyń pikirinshe, "Medeý" tek rekordtar arenasy ǵana emes, dopty hokeı (bendı) sportyn damytýǵa arnalǵan mańyzdy ortalyqqa aınalýy tıis. Sonymen qatar, muzdy shoýlar, muz ústindegi jarystar men álem chempıonattarynyń kezeńderin uıymdastyrý arqyly halyqaralyq qaýymdastyqtyń nazaryn aýdaryp, eldiń týrısik tartymdylyǵyn arttyrý qajet.
"Medeýdi" halyqaralyq sport arenasyna qaıtarý – jańa rekordtarǵa jol ashyp, Qazaqstannyń qysqy sporttaǵy ımıjin nyǵaıtýdyń mańyzdy qadamy", — dep qorytyndylady Nurıa Nıazova.