Qazaqstan armıasy túrik óndirisindegi Bayraktar ushqyshsyz ushý apparattaryn (UUA) alýdy josparlap qana qoımaı, olardy el aýmaǵynda óndirýdi de qolǵa almaq, dep habarlaıdy aqshamnews.kz QR Qorǵanys mınıstrligine silteme.
Qorǵanys mınıstri Rýslan Jaqsylyqov pen Baykar Defence kompanıasynyń bas dırektory Halýk Baıraktardyń arasyndaǵy kelissózder Stambýlda ótken Saha Expo – 2024 kórmesi aıasynda ótti.
«Taraptar Qazaqstan aýmaǵynda taktıkalyq ushqyshsyz ushý júıeleri men barajdyq oq-dárilerdi jergilikti deńgeıde óndirý boıynsha jol kartasyn ázirleý týraly kelisimge keldi», — dep habarlady mınıstrlik.
Kórmede qazaqstandyq delegasıaǵa Bayraktar AKICI, Bayraktar TB3, Bayraktar TB2, Bayraktar Kalkan ushqyshsyz ushý apparattary men Mosquito-X barajdyq oq-dárileri tanystyryldy.
Kelissózderdiń qorytyndysy boıynsha QR Qorǵanys mınıstrligi men Baykar kompanıasy arasyndaǵy jumys kezdesýiniń hattamasyna qol qoıyldy. Túrik tarapy Bayraktar Kalkan, Bayraktar Mini ushqyshsyz apparattary men Mosquito-X barajdyq oq-dárilerin qazaqstandyq áskerı synaqtar úshin tegin berýge nıetti ekenin rastady.
Sonymen qatar, Qorǵanys mınıstrligi óz tarapynan da ushqyshsyz júıeler boıynsha ázirlemelerdiń júrgizilip jatqanyn atap ótti. Almatydaǵy mamandar qazirgi ýaqytta áskerde synalyp jatqan dronǵa qarsy qarýlardy jasap shyǵarǵan.