7-12 tamyz aralyǵynda elimizdiń búkil alańdarynda «Jastarmen birge!» taqyrybynda qaıyrymdylyq, volonterlik jáne ekologıalyq aksıalar, bos oryndar jármeńkeleri, festıváldar, semınarlar, konsertter jáne t. b. is-sharalar kesheni ótkizildi.
İs-sharanyń negizgi maqsaty – memlekettik jastar saıasaty tujyrymdamasyn iske asyrý jáne jastar arasynda memlekettik qoldaý sharalaryn ilgeriletý, jastarmen jumys prınsıpterin, tetikterin, formattaryn, sondaı-aq memlekettik qoldaý sharalary týraly keńinen habardar etý, sondaı-aq ártúrli salalarda jetistikke jetken qazaqstandyq jastardyń kóshbasshylyq áleýetin atap ótý bolyp tabylady, dep habarlaıdy Almaty-akshamy.kz.
Jastar aptalyǵy aıasynda, 7-9 tamyz aralyǵynda «Jastar Elge!» atty joǵary rýhanı jáne adamgershilik qundylyqtardy, sondaı-aq jastardyń kóshbasshylyq áleýetin kórsetý maqsatynda is-sharalar kesheni ótkizildi.
Sondaı-aq, «12 ıgi is» aksıasy bastalyp, onyń aıasynda Qazaqstan jastary ıgi ister jasap, áleýmettik jelilerde biryńǵaı heshtegpen bólisti.
Barlyq qalalarda, aýdandarda jáne aýyldyq eldi mekenderde belsendi jastardyń, volonterlerdiń, óńirdiń jastar uıymdary basshylarynyń qatysýymen qaıyrymdylyq aksıalary uıymdastyryldy. Az qamtylǵan otbasylarǵa, jalǵyzbasty qarttarǵa, múmkindigi shekteýli jandarǵa azyq-túlik, qarjylyq kómek kórsetildi.
Búkil el boıynsha qorshaǵan ortany qorǵaýǵa, tabıǵatqa uqypty qaraýǵa baǵyttalǵan: ekologıalyq aksıalar, senbilikter, qoqys jınaý, aǵashtardy kútý aksıalary ótkizildi.
Sonymen qatar, barlyq qalalarda, aýdandarda jáne aýyldyq eldi mekenderde «Bilim», «Sabaqtastyq», «Saýlyq», «Qamqor», «Taza Álem», «Úmit», «Asyl mura» baǵyttary boıynsha volonterler is-sharalary uıymdastyryldy.
Buǵan qosa, 9-11 tamyz aralyǵynda «Jastar – el damýynyń basty draıveri!» is-sharalar kesheni ótkizildi, onyń sheńberinde 232 jastar resýrstyq ortalyǵy bazasynda memlekettik qoldaý sharalary boıynsha aqparattyq-túsindirý jumystary jáne jastarǵa: «Dıplommen aýylǵa!», «Jastar praktıkasy», «Jas otbasy», «Jalǵa beriletin turǵyn úı», «Jastarǵa arnalǵan turǵyn úı», «Jasyl el», «Jas kásipker», «Serpin», «Daryn», «Táýelsizdik urpaqtary», «Bolashaq», «Kásipkerlikke 2,5% jeńildikpen kredıt berý» jáne t.b. baǵdarlamalar men jobalar boıynsha arnaıy konsýltasıalar ótkizildi.
NEET sanatyndaǵy jumyssyz jastar úshin JOO men kolej túlekterin jumysqa ornalastyrýǵa járdemdesý maqsatynda barlyq qalalarda, aýdandarda jáne aýyldyq eldi mekenderde keń aýqymdy bos oryndar jármeńkesi ótti.
Óńirde jastarǵa arnalǵan nysandardy (mektepter, kolejder, sporttyq-mádenı ortalyqtar, jataqhanalar jáne t.b.) ashyldy, street workout boıynsha jastar arasynda jarystar, sondaı-aq 12 shaqyrymdyq marafon ótkizildi; túrli salalarda erekshelengen eń belsendi jastar oblys basshylyǵynyń alǵys hattarymen jáne estelik syılyqtarymen marapattaldy.
Jastar aptalyǵy sheńberinde barlyǵy 14-35 jas aralyǵyndaǵy 1,5 mln-nan astam jastardyń qatysýymen 1000-nan astam is-sharalar uıymdastyryldy jáne ótkizildi.