QR Syrtqy ister mınıstri – QR Premer-Mınıstriniń orynbasary Murat Nurtileý Ózbekstan Respýblıkasyna resmı saparmen barady, dep habarlaıdy Almaty-akshamy.kz.
Bul týraly QR Syrtqy ister mınıstrliginiń resmı ókili Aıbek Smadıarov málim etti.
«2023 jyldyń 17 tamyzynda ózbek tarapynyń shaqyrýy boıynsha QR Syrtqy ister mınıstri – QR Premer-Mınıstriniń orynbasary Murat Nurtileý Ózbekstan Respýblıkasyna resmı saparmen barady. Sapar barysynda Ózbekstan Respýblıkasynyń syrtqy ister mınıstri Baqtıar Saıdovpen kelissózder júrgiziledi. Taraptar kópjaqty ózara tıimdi yntymaqtastyqty odan ári nyǵaıtýdyń jaı-kúıi men perspektıvalaryn talqylaý, joǵary jáne asa joǵary deńgeılerde qol jetkizilgen ýaǵdalastyqtardy iske asyrý barysyn qaraý, sondaı-aq óńirlik jáne halyqaralyq kún tártibiniń ózekti máseleleri boıynsha pikir almasady dep josparlanýda», - dedi Aıbek Smadıarov mınıstrliktiń aptalyq brıfıńinde.
Sondaı-aq, kezdesý qorytyndysy boıynsha Qazaqstan men Ózbekstannyń syrtqy saıası vedomstvolary arasyndaǵy 2024-2025 jyldarǵa arnalǵan yntymaqatstyq baǵdarlamasyna qol qoıylady dep kútilýde.