Oxford Insights carapshylarynyń málimetinshe, 2023 jyly Qazaqstan Úkimeti jasandy ıntellekt tehnologıalaryn engizýge daıyndyǵy boıynsha 193 eldiń ishinde 72-orynǵa ıe boldy. Sarapshylar sondaı-aq JI engizýdi qıyndatatyn birneshe kedergini atady.
Oxford Insights sarapshylarynyń atap ótýinshe, ınternet jáne sıfrlandyrýdyń joǵary deńgeıi Qazaqstanda JI-dy sátti engizýdiń negizgi faktorlaryna aınalýy múmkin. Degenmen, birqatar kedergiler bar:
* zamanaýı ınfraqurylymnyń jáne JI úshin jetkilikti esepteý qýatynyń bolmaýy;
* JI ónimderiniń tehnıkalyq qaýipsizdik standarttarynyń bolmaýy, bul saraptama júrgizýde qıyndyqtar týǵyzady;
* derekterge qol jetkizýdiń qıyndatylýy;
* ınternet sapasynyń tómen bolýy;
* ǵylymı-zertteý jáne tájirıbelik-konstrýktorlyq jumystardy damytýdyń belsendi ulttyq ınstıtýtynyń bolmaýy;
* áleýetti klıentter arasynda JI ónimderine tómen suranys jáne tehnologıaǵa saqtyqpen qaraý.
Sarapshylar sondaı-aq tehnologıalardan tym kóp nárse kútiletinin, bul bolashaqta qarjylandyrýdyń qysqarýyna jáne ınvestısıalardyń jylystaýyna ákelýi múmkin ekenin atap ótti.