Qazaqstan Respýblıkasynyń Prezıdenti Qasym-Jomart Toqaev Qatonqaraǵaı, Zaısan jáne Kendirli óńirleriniń týrısik áleýetin tıimdi paıdalaný jáne týrızm ınfraqurylymyn jaqsartý qajettigin atap ótti. Bul bastamalar sheńberinde 2025 jyly atalǵan kýrorttyq aımaqtarda úsh jańa áýejaıdyń qurylysy bastaldy. Bul týraly Aqshamnews.kz saıty habarlaıdy.
«Qatonqaraǵaı, Zaısan jáne Kendirli óńirleriniń de týrısik áleýetin durys paıdalaný qajet. Osyndaı demalys aımaqtarynda sapasy joǵary jol ınfraqurylymy bar áýe beketteri men áýejaılar salý kerek» – Qazaqstan Respýblıkasynyń Prezıdenti Qasym-Jomart Toqaev.
Prezıdenttiń tapsyrmasyna sáıkes ishki týrızmdi jáne jolaýshylar áýe tasymalyn damytý maqsatynda 2025 jyly Zaısan, Qatonqaraǵaı jáne Kendirli kýrorttyq aımaqtarynda jańa úsh áýejaıdyń qurylysy bastaldy. Bul jobalardyń iske asyrylýy óńirlerdegi ekonomıkanyń damýyna jańa ımpúls beredi, sondaı-aq otandyq jáne sheteldik týrıser aǵynyn arttyrýǵa jáne atalǵan jobalar jergilikti turǵyndardy qosymsha jumys oryndarymen qamtamasyz etýge septigin tıgizedi.
Sonymen qatar, 2024 jyly iri habtardy damytý maqsatynda áýe kóligi ınfraqurylymyn jańǵyrtýaıasynda úsh jańa jolaýshylar termınaly paıdalanýǵa berildi. Máselen Almaty, Shymkent jáne Qyzylorda qalalarynda jolaýshylar termınalynyń ótkizý qabileti ulǵaıdy.
- Almaty qalasy halyqaralyq áýejaıynyń jańa termınaly – obektiniń ótkizý qabileti jylyna 2,5 mln-nan 14 mln. jolaýshyǵa deıin ulǵaıdy. Otandyq avıakompanıalar Air Astana, SCAT, Qazaq Air, Fly Arystan Qazaqstannyń 19 qalasynaturaqty ushýdy oryndaıdy. Halyqaralyq áýe qatynasyn álemniń 26 elinde 50 baǵyt boıynsha 30 sheteldik avıakompanıa oryndaıdy.
- Shymkent qalasy áýejaıynyń jańa termınalynyń - ótkizý qabileti jylyna 800 myńnan 6 mln. jolaýshyǵa deıin. Jańa termınal halyqaralyq áýe marshrýttarynyń sanyn 10-ǵa, reısterdi aptasyna 24-ke deıin arttyrdy. Djıdda, Medına (KSA), Doha (Katar), Fýkýok (Vetnam) jáne Phýketke (Taıland) áýe qatynasy ashyldy.
- Qyzylorda qalasynyń «Qorqyt Ata» halyqaralyq áýejaıynyń - ótkizý qabileti jylyna 300 myńnan 2 mln. jolaýshyǵa deıin ósti. Búgingi tańda Qyzylorda qalasynan 25 ishki reıs oryndalýda.
«SKYHANSA» qazaqstan-germandyq kompanıasymen «Qorǵas – Shyǵys qaqpasy» arnaıy ekonomıkalyq aımaǵynda qýaty saǵatyna 500 adamǵa deıingi jolaýshylar termınalyn, syıymdylyǵy 550 000 tonnaǵa deıingi otyn qoımasyn, júkterdi 250 000 tonnaǵa deıin tolyq óńdeıtin júk termınalyn salý, áýe kemelerine qyzmet kórsetý avıasıalyq-tehnıkalyq ortalyq qurý boıynsha joba iske asyrylýda. Sondaı-aq 300-den astam turaqty jumys oryndaryn qura otyryp, halyq úshin týrısik jáne saýda, oıyn-saýyq qyzmetterin damytý josparlanǵan.
Sońǵy jyldary áýe kóligi jolaýshylar úshin yńǵaıly ári tartymdy bolýda. Mysaly Qazaqstanda jyl saıyn áýe tasymaly 10-15% artýda. 2024 jyly qazaqstandyq avıakompanıalar 15 mıllıonǵa jýyq adamdy tasymaldady, áýejaılar 30 mıllıon jolaýshyǵa, onyń ishinde sheteldik avıakompanıalar men azamattarǵa qyzmet kórsetti. 2024 jyly júk tasymaly kólemi - jylyna 28 myń tonnaǵa ulǵaıdy.
Otandyq kompanıalardyń ushaqtar parki jyl saıyn 10-15 ushaqqa tolyqtyrylýda. Búgingi kúni áýe kemeleriniń sany - 102 ushaq.
Búgingi tańda Qazaqstannan halyqaralyq áýe qatynasy 31 elmen (Reseı, Qyrǵyzstan, Ózbekstan, Tájikstan, Grýzıa, Belarýs, Ázirbaıjan, BAÁ, Saýd Arabıasy, Katar, Iran, Oman, Egıpet, Kýveıt, Ońtústik Koreıa, Qytaı, Úndistan, Vetnam, Taıland, Mońǵolıa, Kambodja, Malaızıa, Maldıv araldary, Shrı-Lanka, Túrkıa, Ulybrıtanıa, Germanıa, Italıa, Nıderlandy, Polsha, Chehıa) aptasyna 582 reıs jıiligimen 117 baǵyt boıynsha ornatyldy.
Qazaqstannyń áýejaılarynda erekshe qajettilikteri bar azamattar úshin barlyq qajetti jaǵdaılar jasalǵan. Jerústi qyzmetiniń qyzmetkerleri alǵashqy medısınalyq kómek kórsetý, onyń ishinde erekshe qajettilikteri bar azamattardy súıemeldeý boıynsha turaqty arnaıy oqýdan ótedi. Ambýlatorlyq kótergishter, múgedekter arbalary, soqyrlarǵa arnalǵan taktıldi plıtkalar men dybystyq navıgasıa júıeleri bar.
Elimizdiń halyqaralyq áýejaılarynda ana men balaǵa arnalǵan bólmeler, valúta aıyrbastaý pýnktteri, poshta baılanysy, symsyz ınternet bar. Sondaı-aq onlaın tirkeý prosesin jyldamdatý úshin birqatar áýe kompanıalary mobıldi qosymshalardy engizdi. Kórsetiletin qyzmetter barlyq sanattaǵy azamattar úshin sapany jáne qoljetimdilikti arttyrýǵa baǵyttalǵan.
Jolaýshylar avıatasymaldary kórsetkishiniń ósýi, marshrýttardyń artýy ishki jáne sheteldik týrızmdi damytady. Bul el óńirleriniń ınvestısıalyq tartymdylyǵyn arttyrady.
Qazaqstanda avıasıa salasyn damytýdy halyqaralyq taný ushý qaýipsizdigine baılanysty.
Qazaqstanda ushý qaýipsizdigi halyqaralyq standarttaryna sáıkestik deńgeıi 82% quraıdy. Bul — TMD elderi arasynda eń joǵary kórsetkish. Danıa men Polsha sıaqty Eýropa Odaǵy elderimen salystyrýǵa keledi.
Bul nátıjeler Qazaqstandaǵy avıasıalyq týrızmdi damytýǵa, sondaı-aq elimizdiń ekonomıkalyq áleýetin nyǵaıtýǵa jáne onyń halyqaralyq arenadaǵy tartymdylyǵyn arttyrýǵa septigin tıgizedi.